D Abentüür vom Tom Sawyer

Us der alemannische Wikipedia, der freie Dialäkt-Enzyklopedy
Tom Sawyer, s Ditelblatt vo dr Usgoob vo 1876

D Abentüür vom Tom Sawyer (Originalditel: The Adventures of Tom Sawyer, hoochdütsche Ditel: Die Abenteuer des Tom Sawyer), isch e Roman vom amerikanische Schriftsteller Mark Twain. S Buech isch 1876 uf Änglisch erschiine und gliichzitig au as dütschi Übersetzig.

S Buech zelt zu de Klassiker vo dr Juugedlitratuur. Es het aber immer au e Hufe Erwaggseni aagsproche. Es wird, und das isch für d Zit um 1876 ungwöönlig, in dr Alldaagssprooch, wo denn gängig gsi isch, verzelt. Das isch im Autor si Gegekonzept zu de Chinderbüecher über Musterchnaabe und bravi Mäitli gsi, wo zu sällere Zit üübli gsi si.[1] Wäge dere Alldaagssprooch und de Chraftusdrück, wo din vorchömme, het mä s Buech in Amerika zerst uf en Index gstellt.

Dr Inhalt[ändere | Quälltäxt bearbeite]

Dr Tom Sawyer und d Becky Thatcher, Illustrazion us dr Usgoob vo 1876

D Abentüür vom Tom Sawyer isch e tüpischi Lusbuebegschicht und spilt in dr Middi vom 19. Joorhundert im fiktive Ort St. Petersburg in Missouri am Ufer vom Mississippi. Dr Waisebueb Tom läbt bi sinere Dante Polly, zämme mit sim Halbbrueder Sid, sinere Gusiine Mary und em schwarze Sklav Jim. Dr Sid isch e Brave und verrätscht dr Tom bi jedere Gläägehäit. Dä schwänzt gärn d Schuel, schleeglet vil und dribt sich mit sim beste Fründ Huckleberry Finn ume. Dr Huckleberry het kä Dehäi; si Mueter isch dood und si Vater e stadtbekannte Süffer.

Noch alle mööglige Abentüür findet dr Tom e Schatz, wo dr Verbrächer Indianer-Joe in ere Hööli versteggt het. Er däilt en mit em Huckleberry, und jetz wo dä riich isch, nimmt en d Witwe Douglas bi sich uf. Bi dere chann er aber nid mache, was er wil und er rennt furt. Dr Tom verzelt em denn vo sim Blaan, ass er e Röiber- und Erbrässerbande wel gründe, dass aber nume guet gstellti Mitgliider „mit Stil“ sölle ufgno wärde. Dr Huck gseet das ii und goot zur Witwe zrugg.

Litratuur[ändere | Quälltäxt bearbeite]

  • The Adventures OF Tom Sawyer. In: Walter Jens (Hrsg.): Kindlers neues Literaturlexikon. Studienausgabe. Münche 1988–1992. Band 11, S. 194f.

Weblingg[ändere | Quälltäxt bearbeite]

Wikisource Die Abenteuer des Tom Sawyer im dütschsprochige Wikisource

 Commons: D Abentüür vom Tom Sawyer – Sammlig vo Multimediadateie

Fuessnoote[ändere | Quälltäxt bearbeite]

  1. Die Zeit 15/2010 vom 8. April 2010, S. 61.
Dä Artikel basiert uff ere fräie Übersetzig vum Artikel „Die_Abenteuer_des_Tom_Sawyer“ vu de dütsche Wikipedia. E Liste vu de Autore un Versione isch do z finde.