S Funddepo vo dr Archeologische Boodeforschig Baasel-Stadt

Schmuck und Drachtebestanddäil von ere germanische Daame us em Graab 4 vo dr Usgraabig am Dalbegrabe 5+7 im Joor 1999.

Dialäkt: Baseldütsch

S Funddepo vo dr Archeologische Boodeforschig Baasel-Stadt isch dr Ort, wo die Archeologischi Boodeforschig vo Baasel iiri Fündstück ufbewaart. S Depo befindet sich an dr Lyonstrooss 41 z Baasel und d Sammlig isch äins vo de Kulturgüeter z Baasel, wo nazionali Bedütig häi.

S Depo

Die Archeologischi Boodeforschig isch zueständig für d Laagerig vo alle Fünd, wo sit iirer Gründig im Joor 1962 z Baasel gmacht worde si. S Depo umfasst öbbe 6 Millione Fundstügg us mee as 2300 Usgraabige. D Fundstügg wärde ins Inwentar ufgnoo und konserwiert, in Fundkiste verpaggt und im e Depot noch em Material, wo si drus gmacht si, glaageret, wil jedi Materialgattig iiri äigene klimatische Aasprüch het. Äini vo de Ufgoobe vom Funddepo isch s, Fundstügg dr wüsseschaftlige Forschig und Ustellige zur Verfüegig z stelle.

Sit em Joor 2011 het die Archeologischi Boodeforschig e modärn iigrichdets Zentrals Funddepo, und dört wärde hüte die mäiste Fundstügg ufbewaart.

Kwelle

• Website vo dr Archeologische Boodeforschig Baasel-Stadt

47.533177.606229