Denise Biellmann

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Denise Biellmann Eiskunstlauf
Denise Biellmann, 2011
Nation SchweizSchweiz Schwiz
Geburtstag 11. Dezämber 1962
Geburtsort Züri, Schwyz
Größi 160 cm
Gwicht 47 kg
Karriere
Disziplin Ainzellauf
Verein EC Züri
Status zruckträtte
Medaillespiegel
WM-Medaillen 1 × Gold 0 × Silber 0 × Bronze
EM-Medaillen 1 × Gold 0 × Silber 1 × Bronze
ISU Yskunschtlauf-Wältmeischterschafte

Gold Hartford 1981 Damen
ISU Yskunschtlauf-Europameischterschafte

Bronze Zagreb 1979 Damen
Gold Innsbruck 1981
Damen
 

D Denise Biellmann (* 11. Dezämber 1962 z Züri) isch e ehmoligi Schwyzer Yyschunschtlaiferi, wu im Ainzellauf gstartet isch. Si isch Wältmaischteri vu 1981 un Europamaischteri vu 1981.

Karriere[ändere | Quälltäxt bearbeite]

Mit acht Johr het d Denise Biellmann z Belgien ihre erschte internationale Wettkampf gwunne, mit elf Johr isch si Schwyzer Junioremaischteri wore. Mit 14 Johr isch si bi ihre erschte Europamaischterschaft in dr Kür uf dr zweet Blatz chuu. Vu 1979 bis 1981 isch d Biellmann Schwyzer Maischteri wore. Ihri erscht international Medallie het si mit Bronze bi dr Europamaischterschaft 1979 z Zagreb hinter dr Anett Pötzsch un dr Dagmar Lurz gwunne. Bi dr Olympische Spiil 1980 z Lake Placid isch si, drotz ass si d Kür gwunne het, Vierti wore. Anne 1981 isch ihre erfolgrychscht Johr wore. Zerscht isch si z Innsbruck Europamaischteri wore un derno z Hartford Wältmaischteri vo dr Elaine Zayak un dr Claudia Kristofics-Binder.

D Biellmann isch di erscht Frau gsii, wu ne dreifache Lutz het chenne gumpe. No ihre isch d „Biellmann-Pirouette“ gnännt. 1979 un 1981 isch d Biellmann Schwyzer Sportleri vum Johr gsii. Noch em WM-Titel 1981 isch si vu dr Amateur zue dr Profi gwächslet,syerhär het si dert elfmäl dr Profi-Wältmaischtertitel gwunne.

Anne 1981 het si näb em Thomas Gottschalk un em Mike Krüger in dr Filmkumedi Piratensender Powerplay mitgspiilt. Im Spotjohr 2006 un im Winter 2007/2008 isch d Biellmann in dr ProSieben-Serie „Stars auf Eis“ ufdrätte. In dr Show am 17. Jänner 2008 isch si schwär gheit un het si ne Achlse uusgchuglet.

Im Johr 2007 isch d Biellmann mit em Sven Ninnemann fir d Schwyz bim Eurovision Dance Contest aadrätte. Mit ihre Darbietige vum Paso Doble un em Swing het s Baar di europäische Zueschauer aber nit chenne iberzyge un isch mit null Pinkt uf dr letschtBlatz chuu.

E Hufe Tattoo verschenere dr Lyyb vu dr Denise Biellmann. Si sait sälber iber si, si sei tattoosichtig.[1]

Ergebnis[ändere | Quälltäxt bearbeite]

Wettbewärb / Johr 1975 1976 1977 1978 1979 1980 1981
Olypmischi Winterspiil 4.
Wältmaischterschafte 15. 10. 5. 5. 6. 1.
Europamaischterschafte 6. 4. 3. Z 1.
Schwyzer Maischterschafte 11. 3. 2. 2. 1. 1. 1.
  • Z = Zrugzoge

Weblink[ändere | Quälltäxt bearbeite]

 Commons: Denise Biellmann – Sammlig vo Multimediadateie

Fueßnote[ändere | Quälltäxt bearbeite]

  1. Denise Biellmann: Ich bin tattoosüchtig (Blick)
Information icon.svg Dä Artikel basiert uff ere fräie Übersetzig vu dere Version vum Artikel „Denise_Biellmann“ vu de dütsche Wikipedia.

E Liste vu de Autore un Versione isch do z finde.