Daud Pascha

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Daud Pascha (georgisch დაუდ ფაშა, * 1797; † 1851) isch dr letscht Mamelukeherrscher vom Irak im Osmanische Riich gsi. Er het ooni Erfolg e Rebellioon gege d Zentralmacht aazeddlet und druf si 1831 die politische Vorrächt vo de Mamluke in dr Browinz abgschafft worde. Dr Daud Pascha isch us ere Mamlukefamilie vo georgischer Abstammig choo.

Gschicht[ändere | Quälltäxt bearbeite]

Dr Daud Pascha het wie dr Muhammad Ali Pascha, wo Guwernöör vo Egüpte gsi isch, brobiert, si Land wirtschaftlig, administrativ und milidäärisch z modärnisiere. Er het mit Zwangsmaassnaame gherscht und het zum Bischbil e hufe Stammfüerer lo uswiise und sä mit Kandidate ersetzt, wo iim gnääm gsi si. Sini Fäldzüüg gege kurdischi Separatiste si e Faktor gsi, wo drzue biidräit het, ass dr Chrieg zwüschen em Osmanische Riich und Persie usbroche isch, wo vo 1821 bis 1823 gangen isch und wo d Perser gwunne häi.[1] Si Verfolgig vo de Juude het zur Folg gha, ass e hufe Flüchtling s Land verloo häi.

Wo s Osmanische Riich au dr Chrieg vo 1828 bis 1829 gege Russland verloore het, het dr Daud Pascha dänggt, ass d Zentralmacht eso gschwecht sig, ass er en Ufstand chönnt gwünne. Er isch aber schnäll von ere Expedizioonsarmee under em Ali Reza Pascha, em Guwernöör vo Aleppo, gschlaage worde. Dr Daud isch abgsetzt und d Mamlukeherrschaft beändet worde. Dr Daud sälber isch denn aber rehabilitiert und uf verschiidene undergordnete Böste iigsetzt worde. Er isch as dr Wächter vo de Häilige Stette z Medina im Hedschas gstorbe.[1]

Fuessnoote[ändere | Quälltäxt bearbeite]

  1. 1,0 1,1 Edmund E. Ghareeb : Historical Dictionary of Iraq, Oxford, 2004 S. 62
Information icon.svg Dä Artikel basiert uff ere fräie Übersetzig vum Artikel „Daud_Pascha“ vu de dütsche Wikipedia.

E Liste vu de Autore un Versione isch do z finde.