Das Buch von der Zukunft

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Das Buch von der Zukunft
Orginalusgob
Orginaltitel Das Buch von der Zukunft
Genre Sachbuech
Autor Andreas Eschbach
Orginalsproch Düütsch
Verlag rowohlt, Berlin
ISBN 3-871-34476-1
Erschinigsjoor 2004

Das Buch von der Zukunft, isch es Sachbuech vom Autor Andreas Eschbach, wo 2004 veröffetlicht woren isch. S Buech thematisiert Problem vo de Zuechunft und schtellt möglichi Lösigsmöglichkeite vor.

Inhalt[ändere | Quälltäxt bearbeite]

Andreas Eschbach tuet diä verschiedenä, allgemeine verfüegbare und einzelni bechanti Prognose für d' Zuechunft nutzä, um demit diä passendä Frageschtelligä uusefinde und diä mögliche Antworte drus us sinerä Sicht darschtelle. S' Buech isch us dem Grund e chnappi Gsamtschau über üseri Zuechunft. Überbevölcherig, Chlimawandel, Endi vom Ölziitalters, diä möglichi Nutzig vo Fusionsreaktore, diä zuechünftigi Energieversorgig, d' Möglichkeite vo dä Nanotechnologie, d' Reis vom Mensch is All - das sind alli diä Frageschtelligä, diä er i dem Buech tuet behandle.

De Autor zeigt au, wiä debi au Iirtümer entschtehe chönd, und us wele Gründ diä immer vorchömed, und wiä me demit umgah sötti. By de grossä Azahl vo dä de behandelte Theme liegts uf de Hand, dass diä einzelne Themä nöd in wüsseschaftlichär Tüfi behandelt wärde chönnt. Andreas Eschbach isch i erschtär Liniä Sciencefiction-Autor vo Romän, und us dem Grund schribt er sis Buech uf sini Art, indäm er Frage schtellt und innerhalb vo dem Sachbuechs sini Antworte dezue chann findä. Sini Begründige zue denä Antworte leit er em Läser debi offe ane, und regt so au s' Mitdänke oder au dä Widerschpruch a.

Es isch e Sicht uf üseri Zuechunft us dä Sicht vomne Sciencefiction-Autor, dä sich mit Technik und Zuechunftsvisionä uschännt, aber sie durchus au kritisch aluegt. S' Buech isch keis reins Sachbuech im Sinn vomne Nachschlagwärch, sondern ä Aschprach vom Autor a dä Läser. Ei "Folg" vo dem Buech isch sin aktuellschter Roman: Usbrännt, det inne zeigt er, au wieder in Romanform, wiä diä Wält nach äm Ändi vom Ölziitalters ussehe chann.


Literatur[ändere | Quälltäxt bearbeite]


Weblinks[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Das_Buch_von_der_Zukunft“ vu de dütsche Wikipedia. E Liste vu de Autore un Versione isch do z finde.