Cristiano Ronaldo

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Cristiano Ronaldo
Cristiano Ronaldo 2018.jpg
de Cristiano Ronaldo bi de WM 2018
Personalia
Name Cristiano Ronaldo dos Santos Aveiro
Wänn uf d Wält choo 5. Februar 1985
Wo uf d Wält choo Funchal, Portugal
Größi 187 cm
Position Flügelspiler, Stürmer
Junioren
Johr Station
1993–1995 CF Andorinha
1995–1997 Nacional Funchal
1997–2002 Sporting Lissabon
Herre
Johr Station Spil (Tor)1
2002–2003 Sporting Lissabon 25 0(3)
2003–2009 Manchester United 196 0(84)
2009–2018 Real Madrid 292 (311)
2018– Juventus Turin 73 0(64)
Nationalmannschaft
Johr Uuswahl Spil (Tor)
2001 Portugal U15 9 0(7)
2001–2002 Portugal U17 7 0(5)
2003 Portugal U20 5 0(1)
2002–2003 Portugal U21 10 0(3)
2004 Portugal U23 3 0(2)
2003– Portugal 170 (102)
1 Angegeben sind nur Ligaspiele.

De Cristiano Ronaldo [kɾiʃti'ɐnu ʁuˈnaɫðu] (* 5. Februar 1985 z Funchal, Madeira; volle Name Cristiano Ronaldo dos Santos Aveiro[A 1]) isch e portugiesische Fuessballspiller, wo syt em Summer 2018 bi Juventus Turin under Vertrag staht. Er isch Captain, Rekordspiller und Rekordgoolschütz vo de portugiesische Nationalmannschaft und isch mit ire im Jahr 2016 d Europameisterschaft 2016 gwunne.

I de Jugendakademie vo Sporting Lissabon usbildet, isch de Cristiano Ronaldo mit 18i vo Manchester United under Vertrag gnuu worde und het sich det zumene Weltklassespiller entwicklet. Am Aafang vo synere Karriere isch er im rächte Mittelfäld ygsetzt worde. Spöter isch er uf de linggi Flügel gwächslet. Mit Manchester United het er under anderem drü nationali Meisterschafte hinderenand und im Jahr 2008 d UEFA Champions League gwunne.

Nach sym Transfer zu Real Madrid, synerzyt de tüürsti i de Fuessballgschicht, het er i über 400 Pflichtspiel im Schnitt meh als eis Gool pro Spiel gschosse. Syt 2015 isch er Rekordgoolschütz vo Real Madrid. Mit de Madrilene het er vier wyteri Champions-League-Titel gholt. Er isch de ersti Spiller vo de Champions-League-Ära, wo füfmal de Titel gwunne het

De Ronaldo isch de einzigi Fuessballer, wo z Ängland, z Spanie und z Italie Meister worde und als Fuessballer vom Jahr uszeichnet worden isch. Er het viermal de Goldig Schueh als beste Goolschütz vo Europa überchoo und isch es paarmal Goolschützekönig i verschidne Vereinswettbewärb gsi. Er isch zwüsched 2008 und 2017 füfmal Wältfuessballer vom Jahr worde. D Uszeichnig zum europäische Fuessballer vom Jahr het er drümal gwunne. Dezue chömed mehriri Top-3-Platzierige bi dene Wahle.

Literatur[ändere | Quälltäxt bearbeite]

  • Markus Alexander: Cristiano Ronaldo – Der neue Fußballgott. Baltic Sea Press, Rostock 2009, ISBN 978-3-942129-05-3.
  • Luca Caioli: Ronaldo. Die Geschichte eines Besessenen. Verlag Die Werkstatt, Göttingen 2013, ISBN 978-3-7307-0002-0.
  • Santiago Siguero: Cristiano Ronaldo – La Estrella Tenaz. Al Poste Ediciones, Madrid 2013; ISBN 84-15726-06-6 (spanisch).
  • Cristiano Ronaldo im Munzinger-Archiv (Artikelaafang frei abruefbar)

Weblink[ändere | Quälltäxt bearbeite]

 Commons: Cristiano Ronaldo – Sammlig vo Multimediadateie

Fuessnote[ändere | Quälltäxt bearbeite]

  1. Vorname: Cristiano Ronaldo, Nachname: dos Santos Aveiro.
Information icon.svg Dä Artikel basiert uff ere fräie Übersetzig vum Artikel „Cristiano_Ronaldo“ vu de dütsche Wikipedia. E Liste vu de Autore un Versione isch do z finde.