Confoederatio Helvetica
Confoederatio Helvetica isch dr latiinisch Name für die Schwiizerischi Eidgenosseschaft. Er isch zsämmegsetzt vo Confoederatio, spootlatiinisch für Bund (vo latiinisch foedus, Vertrag zwüsche Staate) und Helvetica, helvetisch (vo Helvetii, em latiinische Name vom enä keltische Völkerstamm, wo im Gebiet zwüschem Jura, dr Rhone und em Rhii gläbt het).
Dr voll Name wird nume no sehr sälte bruucht. Er het vor allem historischi Bedütig. Abkürzt as CH wird er aber bruucht as s Kennzeiche für d Schwiiz im Stroossevercher, bi dr Post as Zuesatz vor de Postlaitzahl im internazionale Vercheer (z. B. CH-8645 Jona SG), as Top-level Domain im Internet (z. B. www.xyz.ch) usw.
Quelle
[ändere | Quälltäxt bearbeite]- PONS Globalwörterbuch Lateinisch-Deutsch, Ernst Klett Verlag, Stuttgart. Dresden 1986