Confessio Augustana

Us der alemannische Wikipedia, der freie Dialäkt-Enzyklopedy
Hops zue: Navigation, Suech
E Chillefänster in dr Gedächtnischille vo Speyer

Mit dr Confessio Augustana (CA), au Augsburger Bekenntnis (A.B.) oder Augsburger Konfession, häi die lutherische Riichsständ iire Glaube definiert und sä am 25. Juni 1530 uf em Riichsdaag z Augsburg vor em Kaiser Karl V. öffentlig gmacht. Uf dere Grundlaag si die interkonfessionelle Religionsgsprööch abghalte worde, isch dr Schmalkaldisch Bund abgschlosse worde und isch dr Augsburger Religionsfriide verkündet worde. No hüte ghöört si zu de verbindlige Bekenntnisschrifte vo de lutherische Chille, in dr Fassig vo dr Confessio Augustana Variata us em Joor 1540 au vo de reformierte Chille.[1]

Hauptpünkt[ändere | Quälltäxt bearbeite]

Es git en äinzigs göttligs Wääse, wo us drei Persone bestoot.[2] Alli Mensche, wo gege die Entschäidig vom Konzil vo Nicäa verstoosse si verdammt. Doodrzue ghööre Manichäer, Valentianer, Arianer und Eunomianer, aber au d Juude und d Muslim, wo d Dreifaltikäit ableene. Jeede Mensch chunnt in Erbsünd uf d Wält, das häisst ooni dr woor Glaube, und müesse dorum dauft und im Häilige Gäist widergeboore wärde. Dr Jesus Christus isch dr Soon vo Gott und mit em wääsensgliich. Er isch as Mensch uf d Wält choo und am Chrüz gstorbe, zum d Sünde vo de Mensche uf sich nee. Noch dr Uferstehig vo de Doote duet er über alli Mensche richde. Em Mensch wärde sini Sünde nume ufgrund vo sim Glaube vergee, mä cha sä nid dur gueti Wärk verdiene. Es git äi häiligi christligi Chille, wo us de Häilige und Glöibige bestoot. Bim Oobemool si dr woor Liib und s woore Bluet vom Christus gegewärtig. Dr Mensch het kä absolut freije Wille, und er cha nid dur si Wille grächt wärde, sondern nume dur dr Häilig Gäist.

Litratuur[ändere | Quälltäxt bearbeite]

  • Bekenntnisschriften der evangelisch-lutherischen Kirche; 1930 (= Göttinge 1992;
  • Confessio Augustana Variata. Das protestantische Einheitsbekenntnis von 1540. Speyer 1993, ISBN 3-925536-51-5.
  • Holger Bauer: Nikolaus Ludwig von Zinzendorf und das lutherische Bekenntnis. Zinzendorf und die Augsburger Konfession von 1530 (Diss. Münster 2002), Beiheft der Unitas Fratrum Nr. 12, Herrnhuter Verlag, Herrnhut 2004, ISBN 3-931956-19-9.
  • Leif Grane: Die Confessio Augustana, Einführung in die Hauptgedanken der lutherischen Reformation. UTB, Göttinge 1996, ISBN 978-3-8252-1400-5.
  • Thomas Kaufmann: Geschichte der Reformation. Suhrkamp, Frankfurt am Main 2009, ISBN 978-3-458-71024-0.
  • Vinzenz Pfnür: Einig in der Rechtfertigungslehre? Die Rechtfertigungslehre der Confessio Augustana (1530) und die Stellungnahme der katholischen Kontroverstheologie zwischen 1530 und 1535 (Diss. theol. Münster 1969/70) , Franz Steiner Verlag, Wisbaade 1970.
  • Gunther Wenz: Theologie der Bekenntnisschriften der evangelisch-lutherischen Kirche (2 Bände). de Gruyter, Berlin/Nöi York 1996, ISBN 3-11-015239-8.

Weblingg[ändere | Quälltäxt bearbeite]

 Commons: Confessio Augustana – Sammlig vo Multimediadateie

Fuessnoote[ändere | Quälltäxt bearbeite]

  1.  Herbert Immenkötter: Augsburger Bekenntnis. In: Walter Kasper (Hrsg.): Lexikon für Theologie und Kirche (LThK). 3. Uflaag. Band 1, Herder, Freiburg im Breisgau 1993, Sp. 1226 (1229).
  2. Projekt Gutenberg-DE: Philipp Melanchthon: Die Augsburgische Konfession, Der I. Artikel: Von Gott, abgrüeft am 15. August 2011
Information icon.svg Dä Artikel basiert uff ere fräie Übersetzig vum Artikel „Confessio_Augustana“ vu de dütsche Wikipedia.

E Liste vu de Autore un Versione isch do z finde.