Chrysanthema

Us der alemannische Wikipedia, der freie Dialäkt-Enzyklopedy

D Chrysanthema isch e Bluemeuusstellig, wu syter 1998 alljohr z Lohr im Spotjohr stattfindet. Doderby wird d Innestadt vu Lohr mit Döuserte vu Kaskadechrysantheme gschmickt.

Gschicht[ändere | Quälltäxt bearbeite]

Am Änd vu dr 1980er Johr sin Stadtgärtner vu Lohr uf Bsuech in dr Lohrer Partnerstadt Dole (Département Jura, Region Franche-Comté) gsii un hän dert d Kaskadechrysantheme chännegleert, wu dert zichtet wääre. Si hän d Idee ghaa, die Blueme au z Lohr aazpflanze. Im Novämber 1993 sin zem erschte Mol effetligi Gebei mit Kaskadechrysantheme gschmickt wore un in dr Lohrer Sulzberghalle het e großi Chrysanthemeschau stattgfunde.

E zwooti Chrysanthemeuusstellig isch anne 1997 veraastaltet wore. Dr groß Erfolg vun re het derzue gfiert, ass 1998 zem erschte Mol e Freilanduusstellig gmacht wore isch, mit Hunderte vu Kaskadechrysantheme an historische Gebei, in dr Fueßgängerzone, an Brunne un an verschidene Blätz in dr Stadt.

Fir d Uustellig anne 1999 isch dr Bstand an Kaskadechrysantheme vu dr Lohrer Stadtgärtnerei uf iber 700 Stuck ufgstockt wore. Im Lauf vu dr Johr sin s allmee wore, bi dr Chrysanthema im Novämber 2011 sin s iber 10.000 Chrysantheme gsii.

Chrysanthemechenigi[ändere | Quälltäxt bearbeite]

Syt 2006 wird zue dr Chrysanthema alljohr e Chrysanthemenkönigin gwehlt.

  • 2006: Anita Nuvolin[1]
  • 2007: Simone Fehrenbacher[2]
  • 2008: Nelli Schmidt[3]
  • 2009: Marion Fischer[4]
  • 2010: Natalie Gerras[5]
  • 2011: Heike Engel[6]
  • 2012: Sarah Heitzmann[7]
  • 2013: Valerie Silberer[8]
  • 2014: Juliane Dörflinger[9]
  • 2015: Silke Faißt[10]
  • 2016: Jessica Neugebauer[11]
  • 2017: Lea Johanna Krauss[12]
  • 2018: Sonja Moser[13]
  • 2019: Lorena Harter[14]
  • 2020 un 2021 isch d Chrysanthema wäg dr COVID-19-Pandemi uusgfalle.[15][16] D Amtszyt vu dr Lorena Harter isch um ai Johr verlengeret wore.
  • 2022: Juliane Tide[17]
  • 2023: Marion Sütterlin[18]

Bilder[ändere | Quälltäxt bearbeite]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Badische Zeitung, 11. Oktober 2006
  2. lahr.de 21. Septämber 2007
  3. Badische Zeitung, 1. Augschte 2008
  4. Badische Zeitung, 13. Oktober 2009
  5. Badische Zeitung, 12. Oktober 2010
  6. Badische Zeitung, 14. Oktober 2011
  7. Badische Zeitung, 12. Oktober 2012
  8. Badische Zeitung, 7. Oktober 2013
  9. Badische Zeitung, 9. Oktober 2014
  10. Badische Zeitung, 29. Septämber 2015
  11. Badische Zeitung, 22. Septämber 2016
  12. Badische Zeitung, 5. Oktober 2017
  13. Stadt Lahr, 10. Oktober 2018
  14. Badische Zeitung, 8. Oktober 2019
  15. Badische Zeitung, 6. Juli 2020
  16. Lahrer Zeitung, 23. Augschte 2021
  17. Badische Zeitung, 20. Oktober 2022
  18. Badische Zeitung, 9. Oktober 2023