Christine Iselin-Kobler

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Christine Iselin-Kobler (* 1952 z Bärn) isch e Schurnalistin und Schwizer Mundartschriftstellere.

Si isch 1952 uf d Wält cho, isch z Bärn uf d Schuel gange und het au dört studiert. No wääred em Studium isch si freiji Mitarbäitere bi dr Daageszitig ‹Der Bund› worde und noch em Lizentiat mit em Hauptfach Germanistik Redaktöörin. 1982 het si ghürootet und 1982 e Dochder und drei Joor druf e Soon überchoo. In dere Zit het si en Uszit gnoo. Denn het si wider bim ‹Bund› afo schaffe. Hüt isch si wüsseschaftligi Redaktöörin bi dr Schwizerische Härzstiftig.

En Uswaal vo iire Mundartkolumne, wo si vo 1994 bis 1999 für e ‹Kleiner Bund› verfasst het, isch 2006 in Buechform under em Ditel ‹Drygumpe› im Zytglogge Verlag veröffentligt worde. Au ‹I sött langsam›, e Sammlig vo Kolumne us de Joor 2000 bis 2006 isch in däm Joor uusechoo.

Kwelle[ändere | Quälltäxt bearbeite]