Christelle Nana Tchoudjang
| Christelle Nana Tchoudjang | |
| Porträt | |
|---|---|
| Geburtsdag | 7. Jüüli 1989 |
| Geburtsort | Yaoundé, Kàmerun |
| Greßi | 1,84 m |
| Position | Üssa-n-ààgrìff |
| Verain | |
2010–2021 2021–2022 sitter 2022 |
 Kamerun Trinity Volleyball Kamerun Bafia Volley Evolution VBC Chamalières VC Marcq-en-Barœul Volley Mìlhüüsa Elsàss
|
| Nationalmannschaft | |
| bis 2022 | Kamerun Kàmerun (A)
|
| Erfolg | |
| 2011, 2019 2013 2017, 2019, 2021 2022/23 |
Plàtz 2 (Àfrikàschpììler) àfrikànischa Vìzamaischtera àfrikànischa Maischtera frànz. Schpìtzapokààlsiigera |
|
Stand: 29. Oktober 2022 | |
| Dialäkt: Mìlhüüserdiitsch |
D’ Christelle Nana Tchoudjang (* 7. Jüüli 1989 z’ Yaoundé) ìsch a kàmerunischa Volleybàllschpììlera, wo àls Üssa-n-ààgriiffera schpììlt. Sitter 2022 schteht sa biim Volley Mìlhüüsa Elsàss unt’r Vertrààg. Zamma mìt dr kàmerunischa Nàzionààlmànnschàft ìsch sa dräimol àfrikànischa Maischtera worra.
ìhra Kàrriar[ändere | Quälltäxt bearbeite]
Verainskàrriar[ändere | Quälltäxt bearbeite]
Wia ìhr älter Brüader hàt d’ Christelle Nana Tchoudjang z’äärscht Basketbàll gschpììlt. Sa hàt jedoch a Volleybàll-Üssbìldung àn dr Üniwärsitäät Yaoundé-1 bikumma. D’rnooh hàt sa ìn da kàmerunischa Verainer Trinity Volleyball un Bafia Volley Evolution gschpììlt.[1]
Vu 2010 bis 2021 ìsch d’ Nana biim VBC Chamalières ìn Zäntrààlfrànkrììch àktiiv gsìì. Mìt dam Verain ìsch sa ìn dr Saison 2014/15 Zwaita vu dr Élite-Liga worra un ìsch domìt ìn d’ A-Liga uffgschtììga. Ìm Joohr druff ìsch àwwer d’ Verainsmànnschàft numma-n-uff Plàtz 11 vu dr A-Liga ànakumma un ìsch wììder ìn d’ zwaita Liga-n-àbgschtììga. Ànna 2016/17 hàt d’ Nana mìt Chamalières d’ Élite-Liga gwunna un ìsch d’rnooh zwaimol Zwälfta ìn dr A-Liga worra. Mìt Chamalières ìsch sa àui ànna 2018/19 bis àm Plàtz 5 vum frànzeescha Pokààlwättbewarb glunga. D’ Saison 2021/22 hàt sa biim nordfrànzeescha Verain Marcq-en-Barœul gschpììlt.[2] Doo ìsch sa Àchta ìn dr A-Liga worra un ìsch fìr d’ Bäschta Àànàhm ìn dr Ligasaison üsszaichent worra. Fìr d’ Saison 2022/23 ìsch sa zem Verain Volley Mìlhüüsa Elsàss gànga ge schpììla.
ìn dr Nàzionààlmànnschàft[ändere | Quälltäxt bearbeite]
Naawadràà ìsch d’ Nana viarzeh Joohra làng Mìtglììd ìn dr kàmerunischa A-Nàzionààlmànnschàft gsìì, wu sa schpeeter Kàpitään worra-n-ìsch.[1] Zamma mìt dr Nàzionààlmànnschàft hàt sa bii da Àfrikàschpììler 2011 d’ Sìlwerüsszaichnung bikumma. Bii dr Àfrikànischa Maischterschàft 2013 hàt sa eewafàlls d’ Sìlwerüsszaichnung bikumma un ìsch àls Bäschta Diàgonààlààgraiffera üsszaichent worra. Witterscht hàt sa àn dr Waltmaischterschàft 2014 ìn Itàlia mìtgmàcht,[3] wu s’ Kàmerun ìn dr äärschta Runda üssgschììda-n-ìsch. D’rnooh hàt sa àn da Olümpischa Schpììler 2016 z’ Rio de Janeiro mìtgmàcht.[4] Bii dr àfrikànischa Maischterschàft 2017 d’haim ìn Kàmerun hàt sa noh-n-em Andschpììlsiig mìt 3:0 geega Kenia d’ Guldiga-Medàlia bikumma. Ànna 2018 hàt sa nochamol àn dr Waltmaischterschàft mìtgmàcht;[5] doo sìnn d’ Kàmerunerinna eewafàlls ìn dr äärschta Runda-n-üssgschììda.
Ànna 2019 hàt d’ Nana mìt dr kàmerunischa Mànnschàft zem zwaita Mol d’ Sìlwerüsszaichnung bii da Àfrikàschpììler bikumma.[6] Ìm gliicha Joohr hàt sa zem zwaita Mol àfrikànischa Maischtera worra, mìt’ma 3:1-Siig ìn dr Playoffs-Finààla geega-n-Ägüpta. Üsserdam ìsch sa àls Bäschta Àànammera vum Turniar üsszaichent worra.[7] Bii dr Àfrikànischa Maischterschàft vu 2021 hann d’ Kàmerunerinna d’ Playoffs-Finààla geega Kenia mìt 3:1 gwunna;[8] domìt ìsch d’ Nana zem drìtta Mol àfrikànischa Maischtera worra. Züadam ìsch sa àla Bäschta Schpììlera (MVP) vu dr Maischterschàft üsszaichent worra.[8] Ànna 2022 hàt d’ Nana ìhra Rucktrìtt üss dr Nàzionààlmànnschàft verkìndet.[1][9]
Weblìnks[ändere | Quälltäxt bearbeite]
- Profil biim Internàzionààla Olümpia-Kùmmittee (anglisch)
- Profil bii Olympedia (anglisch)
- Profil ìn dr Dàtabànk vu WorldofVolley (anglisch)
- Profil ìn dr Dàtabànk vu Volleybox (hoochdiitsch)
Ainzelnoohwiisa[ändere | Quälltäxt bearbeite]
- ↑ 1,0 1,1 1,2 Paul Reinhard Wandji: Cameroun : dernier smash pour Christelle Nana. In: JournalduCameroun.com. 2. März 2022, archiviert vom Original am 23. März 2022; abgruefen am 29. Oktober 2022 (französisch).
- ↑ David Delporte: Christelle Tchoudjang Nana a choisi Marcq pour se lancer un nouveau défi. In: La Voix du Nord. 28. Mai 2021, S. 33 (französisch, lavoixdunord.fr [abgerufen am 29. Oktober 2022]).
- ↑ Team Roster. offiziälla Websitta vu dr Volleybàll-Waltmaischterschàft 2014, archiviert vom Original am 22. Januar 2022; abgruefen am 29. Oktober 2022 (änglisch).
- ↑ JO : la liste des 12 joueuses sélectionnées. Kàmerunischa Volleybàll-Verbànd (FECAVolley), archiviert vom Original am 4. April 2018; abgruefen am 29. Oktober 2022 (französisch).
- ↑ CDM (D) : voici la liste technique du staff technique des Lionnes. Kàmerunischer Volleybàll-Verbànd (FECAVolley), archiviert vom Original am 7. September 2022; abgruefen am 29. Oktober 2022 (französisch).
- ↑ Bruno Ndonwie Funwie: Women’s Volleyball: The back-to-back champions. In: www.crtv.cm. 16. Juli 2019, archiviert vom Original am 4. Dezember 2021; abgruefen am 29. Oktober 2022 (änglisch).
- ↑ Angu Lesley: 2019 AWVC: Cameroon gets 4 places in the individual award podium. In: kick442.com. 15. Juli 2019, archiviert vom Original am 12. März 2020; abgruefen am 29. Oktober 2022 (französisch).
- ↑ 8,0 8,1 Giacomo Tarsie: Campionati Africani F.: Terzo titolo consecutivo per il Camerun. Kenya sconfitto 3-1. In: volleyball.it. 19. September 2021, abgruefen am 29. Oktober 2022 (italiänisch).
- ↑ Isaac Esanji: Volleyball : La capitaine des Lionnes indomptables Christelle Nana raccroche. In: Actu Cameroun. 28. Februar 2022, abgruefen am 29. Oktober 2022 (französisch).
|
Dä Artikel basiert uff ere fräie Übersetzig vu dere Version vum Artikel „Christelle_Nana_Tchoudjang“ vu de französische Wikipedia. E Liste vu de Autore un Versione isch do z finde. |