Charles de Gaulle

Us der alemannische Wikipedia, der freie Dialäkt-Enzyklopedy
Dr Charles de Gaulle (1963)
D Underschrift vom Charles de Gaulle
D Underschrift vom Charles de Gaulle

Dr Charles André Joseph Marie de Gaulle (* 22. Novämber 1890 z Lille, Nord; † 9. Novämber 1970 z Colombey-les-Deux-Églises, Haute-Marne) isch e franzöösische General und Staatsmaa gsi. Im Zwäite Wältchrieg isch er dr Füerer vom Freie Frankriich gsi, wo gege die dütschi Bsatzig kämpft het. Denn isch er vo 1944 bis 1946 dr Schef vo dr Brovisorische Regierig vo dr Franzöösische Republik gsi. Wäärend em Algeriechrieg het er 1958 e Regierig bildet und e Verfassigsreform duuregsetzt, und eso die Fümfti Republik gründet. Vom Januar 1959 bis April 1969 isch er Bresidänt gsi, het zämme mit em dütsche Bundeskanzler Konrad Adenauer dr Grundstäi für die dütsch-franzöösischi Versöönig und für d Entwigglig vo dr Öiropäische Wirtschaftsgmäinschaft gläit, Frankriich en unabhängigi nukleari Macht (force de frappe) verschafft und Algerie d Unabhängikäit gee. Die politischi Ideologii vom Gaullismus, wo uf iin zruggoot, het bis hüte Iifluss uf die franzöösischi Politik.

Freie Frankriich[ändere | Quälltäxt bearbeite]

Am 18. Juni 1940 het dr General de Gaulle vo London d Franzose wo no hei welle kämpfe zu sich gruefe. Dr ganzi Krieg het er in England verbracht, mit sinne Soldate, befor er wider nach Frankriich cho isch, mit den Amerikaner, wäre d Operation Neptune, em 6. Juni 1944. Am 26. August 1944, isch er wider uf d Champs Elysées gloffe.

Bresidänt[ändere | Quälltäxt bearbeite]

Nächer isch er Bresidänt fo Frankriich worde, und het, mit em Gaullismus, di füfti Republik gründet, in 1958. Nach em Referendum vo 1969 won er verlore het, isch er zruggträtte und churz druuf gstorbe.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Charles de Gaulle – Sammlig vo Multimediadateie

Wikisource Charles de Gaulle im dütschsprochige Wikisource

Fuessnoote[ändere | Quälltäxt bearbeite]

  1. Jean-Pierre Thiollet: De Gaulle en campagne… avec France-Soir. In: France Soir. 14. Oktober 2011.