Caresse Crosby

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Harry und d Caresse Crosby churz noch iirer Hüroot z Bariis (Septämber 1922)

D Mary Phelps Jacob, vo 1924 aa Caresse Crosby (* 30. April 1891 z New Rochelle, Nöi York; † 24. Januar 1970 z Rom) isch e Nöi Yorker Prominänti gsi. Sie isch e Verleegere und Schriftstellere gsi und het sich für Frauerächt iigsetzt. 1910 het si e Büstehalter erfunde, wo sich zerst usgezäichnet verchauft het. Spöter isch s nüme so guet gloffe und si het iir Patent an d Warners Brothers Corset Company z Bridgeport verchauft. 1922 het si dr Dichder Harry Crosby in zwäiter Ee ghürootet und si si uf Frankriich go lääbe.

1925 het si dr Gedichtband Crosses of Gold veröffentligt und 1926 e Buech, Graven Images. Im Joor 1927 het si mit iirem Mann dr Verlaag Black Sun Press z Bariis gründet, wo Büecher uf Änglisch in chliine Uflaage uusebrocht het. 1929 het dr Harry Crosby zämme mit siiner Liebhaabere Sälbstmord begange. Spööter isch d Caresse Crosby in die Veräinigte Staate zrugg und het e Kunstgalerii z Washington D.C. gläitet und e Litratuurzitschrift gründet. Si isch am 24. Januar 1970 z Rom gstorbe.

Wärk[ändere | Quälltäxt bearbeite]

  • Crosses of Gold. Éditions Narcisse, Paris, 1925.
  • Graven Images. Houghton Mifflin, Boston, 1926.
  • Painted Shores. Black Sun Press, Paris, 1927.
  • The Stranger. Black Sun Press, 1927.
  • Impossible Melodies. Black Sun Press, 1928.
  • Poems for Harry Crosby. Black Sun Press, 1930.
  • The Passionate Years. Dial Press, 1953.

Litratuur[ändere | Quälltäxt bearbeite]

  • Cristina De Stefano: Abenteuerliche Amerikanerinnen. SchirmerGraf Verlag, München 2008.

Weblingg[ändere | Quälltäxt bearbeite]