Bùùrg Zäärige

Burg Zähringen
	Bùùrg Zäärige Bùùrg Zäärige
Entstehigsziit:	um 1000
Burgetyp:	Hecheburg
Erhaltigszuestand:	Ruine
Ständischi Stellig:	Firschte
Ort:	Zähringe
Geografischi Lag:	48° 1′ 31″ N, 7° 53′ 3″ OKoordinate: 48° 1′ 31″ N, 7° 53′ 3″ O
	Burg Zähringen (Baden-Württemberg) Burg Zähringen
	Burg Zähringen (Baden-Württemberg) Burg Zähringen

D Bùùrg Zäärige isch e Bùùrgruine bi Fryybeg ooberhalb vùm Schdaddail Zäärige. Si hed em Aadelsgschlächd vù dr Zääriger dr Name gee.

Laag

D Bùùrg Zäärige lyd hide ùf em Baan vù Gundelfinger Oordsdail Wildtal ùf eme Uuslaifer vùm Ros-Chobf.

Gschiichd

Ùf em Zääriger Bùùrgbäärg hed s vùm 3. bis am Änd vùm 5. Joorhùnderd e alemannische Hèèchesiidlig gee vùn eme alemannische Chlaicheenig. Fir die isch dr Bùùrgbäärg groosflèchig yygeebned woore.

S èèrschd Mool gänd wird dr Oord Zäärige scho chùùrz noch em Joor 1000. S isch aber nid chlaar, eb dodermid scho ne Bfeschtigung oder dr hidig Fryybeger Schdaddail Zäärige gmaind gsii isch. D Bùùrg Zäärige isch s èèrschd Mool gnänd ane 1080 im Zämehang mid em Herzog Berthold II. vù Zäärige.

Noch em Uusschdäärbe vù dr Zääriger ane 1218 hed dr Chaiser Friedrich II. d Zääriger Bùùrg as Ryychslèèche yyzooge. Zwische 1275 ùn 1281 isch d Bùùrg e baar Mool niiderbränd woore in dr Bsizschdridigkaide zwischen em Ryych, dr Groofe vù Urach ùn dr Schdad Fryybeg. Si isch aber als wider ùfböue woore.

Ane 1327 hän d Groofe vù Fryybeg d Bùùrg verchaufd ghaa, 1422 good e Dail vù dr Aalag in dr Bsiz vù dr Marggroofe vù Baade iiber.

Im Buurechrieg isch d Bùùrg Zäärige ane 1525 niiderbränd woore ùn derno nimi ùfböue woore.

Ane 1815 isch di ganz Aalag in dr Bsiz vùm Huus Baade iibergange. Hid ghèèrd d Bùùrg Zäärige dr Schdad Fryybeg.

Erhalde isch vù dr Ruine no dr Rùnddùùrm us em 13. Joorhùnderd mid ere vù Zine ùmringde Uussichdsplattform.

Literatur

Alfons Zettler, Thomas Zotz: Die Burgen im mittelalterlichen Breisgau. I. Nördlicher Teil, Halbband A-K. Jan Thorbecke Verlag, Ostfildern 2003, ISBN 3-7995-7364-X, S. 160-174.
J. B. Fischer: Geschichtlicher Überblick, in: Freiburg im Breisgau. Die Stadt und ihre Bauten, H. M. Poppen & Sohn, Freiburg im Breisgau 1898

Weblink

Commons: Bùùrg Zäärige – Sammlig vo Multimediadateie
Bùùrg Zäärige

Dä Artikel basiert uff ere fräie Übersetzig vum Artikel „Burg_Zähringen_(Freiburg)“ vu de dütsche Wikipedia. E Liste vu de Autore un Versione isch do z finde.