Burg Limburg
| Burg Limburg | ||
|---|---|---|
| Alternativnäme: | Limpurg | |
| Burgetyp: | Hecheburg | |
| Erhaltigszuestand: | Fundamänt, Wäll | |
| Ständischi Stellig: | Adligi, Grofe | |
| Ort: | Saschbe am Kaiserstuel | |
| Geografischi Lag: | 48° 6′ 52,6″ N, 7° 35′ 13,6″ O | |
| Höchi: | 230 m ü. NN | |
| ||
D Burg Limburg, au Limpurg oder Alti Limburg gnännt, isch e Burgruine uf eme Uuslaifer vum Kaiserstuel, em Limberg, 40 Meter iber em Ryy uf em Baan vu dr Gmei Saschbe am Kaiserstuel im Landkreis Ämmedinge z Bade-Wirttebärg.
Gschicht[ändere | Quälltäxt bearbeite]
D Limburg isch e Noofolger vu dr Alte Limburg, wu wyter eschtlig glägen isch. Di Nej Limburg isch wahrschyns im 11. Johrhundert vu dr Zähringer böue wore. Fir s Johr 1078 isch beleit, ass dr Bertold I. von Zähringen uf dr Limburg gwohnt het, s isch aber nit klar, eb des di Alt oder di Nej Limburg gsi isch. Di erscht sicher Nännig vu dr Neje Limburg in ere Urkund stammt vu anne 1215/21. Anne 1239 isch di Nej Limburg gnännt wore as „castrum de Limberch“. Bsitzer sin no dr Zähringer d Grofe von Freiburg gsi, speter d Habsburger un vu 1498 bis 1590 d Grofe von Tübingen, derno isch si wider an d Habsbuger chuu. Eb dr Rudolf I. vo Habsburg wirkli uf dr Limburg uf Wält chuu isch, isch nit ganz sicher. Wänn d Limburg zersterrt woren isch, isch nit bekannt, aber anne 1701 wird si as vollständig gschlisse gschilderet. Im Zweite Wältchrieg isch si 1945 bumbardiert wore.
Aalag[ändere | Quälltäxt bearbeite]
D Burg isch fir Iberwachig vum Ryyibergang do gsi, fir dr var zu Limperg, wu s erscht mol anne 1417 gnännt wird, aber scho friejer wichtig gsi isch. D Burg het e Runddurm gha mit eme Durmässer vu 5 Meter. Vu dr ehmolige Burgaalag sin no Fundamänt vum Durm, Muurräscht un Wäll erhalte.
Literatur[ändere | Quälltäxt bearbeite]
- Max Miller, Gerhard Taddey: Handbuch der historischen Stätten Deutschlands. Band 6. Baden-Württemberg. Stuttgart 1965