Buech:Wikibooks:Über Wikibooks

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Das Logo von Wikibooks

Wikibooks [vɪkiˈbʊks], ehemalig Wikimedia Free Textbook Project und Wikimedia-Textbooks, isch es Schwöschterprojäkt vo Wikipedia und es Projäkt de Wikimedia Foundation. Es isch am 10. Juli 2003 gestartet worde.

S' Projäkt schtellt e Sammlig freie Lehr- und Sachbüecher dar, diä in Kollaboration vo de Nutzer erschtellt wärde, ähnlich wiä by de Wikipedia. Das heisst, jede dörf es Kapitel dur en Klick uf diä Schaltflächi „bearbeite“ verbessere.

S' änglischsprachigi Wikibooks isch dur e Afrag vom Karl Wick gschtartet worde. Uf de Websitä wikibooks.org sind am Afang zerscht alli Sprache zämmegfasst, syt Endi Juni 2004 hät diä dütschsprachigi Usgab sowiä anderi Sprache ihri eigene Subdomain.

Alli Büecher in Wikibooks schtöhnd under de GNU Freie Dokumentationslizänz. Damit chönd Büecher genau so guet wiä Artikle i de Wikipedia unbeschränkt überarbeitet und verbreitet wärde, solang diä Urschprungsautore gnannt wärde.