Brexit

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Ergebnis vum REferändum iber dr Brext no Wahlkrais:
 fir Uusdritt
 fir Verblyb

Dr Uusdruck Brexit stoht fir dr Uusdritt vum Verainigte Chenigrych us dr Europäische Union (EU). S Wort isch e Chofferwort us änglisch ‚Britain‘ fir „Großbritannie“ un ‚exit‘ fir „Uusgang, Uusdritt“. Zum erschte Mol brucht woren isch dr Uusdruck im Juni 2012 in eme Artikel vum Economist in dr Variante ‚Brixit‘ in Analogy zum Uusdruck „Grexit“,[1][2] wu brucht woren isch fir e meglige Uusdritt vu Griecheland us dr Eurozone. Fir e Verblyb vum Verainigte Chenigrych in dr EU isch im Wahlkampf zum Referändum am 23. Juni 2016 au dr Uusdruck Bremain verwändet wore („remain“ stoht fir „verblybe“).[3]

Rächtsgrundlag vun eme Uusdritt isch Art. 50 vum EU-Verdrag, wu noch em Verdrag vu Lissabon zum erschte Mol dr freiwillige EU-Uusdritt vu EU-Mitglidstaate reglet. Doderno isch s vorgsääne, ass no dr Absichtserklerig vun eme Staat iber sy EU-Uusdritt zerscht versuecht wird, dr Uusdritt dur e uusghandlet Abchuu zwische dr Union un däm Staat z konkretisieren un z ordne.

Dr Premierminischter David Cameron het anne 2013 e Referändum iber dr Verblyb vum Verainigte Chenigrych in der Europäische Union vorgschlaa (vor allem mit em innebolitische Kalkül, EU-Kritiker in dr aigene Raie rueigzstelle[4]).

S Referändum het am 23. Juni 2016 stattgfunde. Bi re Wahlbedailigung vu 72,1 Brozänt hän 51,9 % vu dr Gsamtwehlerschaft (rund 16,8 Millione) fir e Brexit gstimmt un 48,2 % (rund 15,7 Millione) dergege. Doderby hän d Wehler z Nordirland un z Schottland in dr Meehait gege dr Uusdritt gstimmt un d Ängländer un d Walliser derfir.[4] Ai Dag no dr Abstimmig het dr David Cameron sy Ruggdritt zum Spotjohr aagchindet.[5]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Kim Hjelmgaard, Jane Onyanga-Omara: Explainer: The what, when and why of 'Brexit'. USA Today. Abgrüeft am 2016-05-19. (en)
  2. Britain and the EU: A Brixit looms. The Economist, 2012-06-21. Abgrüeft am 2016-05-19. (en)
  3. Whether Brexit or Bremain, fear will triumph over fear, Timothy Garton Ash, The Guardian, 21. Jänner 2016
  4. 4,0 4,1 spiegel.de 24. Juni 2016: Brexit-Ergebnis: Briten stimmen für EU-Ausstieg
  5. David Cameron kündigt Rücktritt in drei Monaten. 2016-06-24. Abgrüeft am 2016-06-24.
Information icon.svg Dä Artikel basiert uff ere fräie Übersetzig vum Artikel „Brexit“ vu de dütsche Wikipedia.

E Liste vu de Autore un Versione isch do z finde.