Biella

Biella isch e Stadt vo Itaalie. Es isch d Hauptstadt vo der Provinz Biella i der Region Piemont.

Geografy

D Stadt lyt am Südfuess vo den Alpe; s Bärgmassyv im Norde vo der Stadt heiisst Alpe vo Biella. D Stadt Biella isch am Fluss Torrente Cervo. S alte Stadtzäntrum isch uf eme Hügel und heisst Piazzoo. Me chunt vom Tal unde mit ere churze Säilbaan dörthii.

I der Ebeni unden a Piazzo isch s nöie Biella mit de Verwaltigsgeböi vo der Stadt und vo der Provinz.

s romanische Baptisterium vo Biella

Gschicht

Der Oort het i der antike Zyt Bugella gheisse. Do druus isch im Iteliänische Biella woorde.

Im früene Middelalter händ dört Alemanne, Langobarde und Franke gwohnt. Sid em 14. Joorhundert isch Biella im Gebiet vo de Savoyer glääge, und 1859 het’s der Garibaldi für Italie eroberet. Denn het d Stadt z’eerscht zu der iteliänische Provinz Novara ghört, 1927 isch d Stadt a d Provinz Vercelli choo, und 1992 isch s Umland und d Stadt Biella zu der nöie Provinz Biella woorde.

Kultur

Wyt ume berüempt isch der Wallfahrtsoort Sacro Monte di Oropa, wo im 17. Joorhundert bout worden isch und hüt zum UNESCO-Wälterb ghört.

D Altstadt Piazzo het alti Hüüser so wie öppe der Palazzo Ferrero.

Z Biella isch s Museum vom Bielleeser Undernääme Fila, wo en wältwyt bekanti Margge für Sportchleider isch.

Lüüt vo Biella

• Silvia Avallone (* 1984), Dichterin
• Tavo Burat (1932–2009), Journalischt und Schriftsteller
• Giacomo Debenedetti (1901–1967), Literaturkritiker
• Federico Hindermann (1921–2012), Romanischt, Lyriker

Weblink

 Commons: Biella – Sammlig vo Multimediadateie

• Website vo der Stadt