Bibracher Filmfeschtspiil
D Bibracher Filmfeschtspiil (dt. Biberacher Filmfestspiele) sin all Joor am eerschte Novämberwuchenänd z Bibra. Bim „Familiedräffe vu dr dytsche Filmmacher“, wie mer die Veraastaltig au nännt, bresäntiere d Filmmacher*ne iri neischte Wäärch ire Kolleege*ne un em Publikum.
Gschiicht[ändere | Quälltäxt bearbeite]
S Feschtiwäl isch anne 1979 vum Adrian Kutter grindet woore, wu au Intendant gsii isch un zue dr wiichtigschte Lyt im bundesdytsche Kino- un Filmgschäft zellt het. Im Septämber 2003 het mer dr Verain Biberacher Filmfestspiele e. V. grindet, wu syterhäär s Feschtiwäl veraastalte due tun sy Intendant bi dr organisatoorische Ufgaabe unterstitzt, wu all umfangryycher woore sin. Dr eerscht Voorsitzer vum Verain isch dr Tobias Meinhold, dr zweet Voorsitzer isch no dr Satzig dr Ooberbuurgermaischter vu Bibra, syt 2013 dr Norbert Zeidler.
Zum Änd vu dr 40. Uusgaab 2018 het dr Adrian Kutter d Intendanz abgee, as kummissaarischi Verdrätteri isch sy Frau Helga Reichert gruefe woore.[1] Im Februar 2019 isch d Helga Reichert vu dr Mitgliider vum Verain Biberacher Filmfestspiele e.V. zur Intendanti vum Feschtiwält gweelt woore.[2] Im Meerz 2021 isch d Nathalie Arnegger vum Dreegerverain as Noofolgeri vu dr Helga Reichert as Intendanti vu dr Bibrahcer Filmfeschtspiil voorgstellt woore.[3]
Am letschte Daag vum Feschtiwäl git s e Gaala mit ere Bryysverleiig. Dr Hauptbryys Guldeni Biiber (dt. Goldener Biber) isch syter 2003 mit 5.000 Euro dotiert. Vergee wääre derzue dr Bryys Dokubiber un Debütbiber, wu mit je 3.000 Euro dotiert sin, dr Chuurzfilmbiiber (Kurzfilmbiber, 2.000 Euro) un dr Publikumsbiber (1.000 Euro). Syt 2008 wiird vun ere Schüüry us Bibracher Schueler*ne au Schülerbiber (Schülerbiber, 1.000 Euro) vergee. Syt 2009 git s au no Fäärnseebiiber (Fernsehbiber, 3000 Euro) fir Fäärnseefilm. S Bryysgäld fir där Fäärnseebiiber wird vum Produzänt Hans W. Geißendörfer zaalt, di iibrige Bryysgälder stelle d Stadt Bibra, d Kraisspaarkass Bibra, EnBW, Liebherr, d Film Commission (Region Ulm) un d Bibracher Wäärbegmainschaft.
Syt 2018 wird im Wägsel mit em Kinofescht Lünen dr Siegfried-Kracauer-Bryys fir di bescht Filmkritik vergee (dotiert mit € 3.000,-)
Paralleel zue dr Filmfeschtspiil git s syt 2004 in uureegelmääßige Abständ s B.I.F.F. (Biberacher Independent Film Festival), e aigeständig Feschtiwä#lt fir Chuurzfilm, wu nyt z due het mit dr Bibracher Filmfeschtspiil.[4]
Weblink[ändere | Quälltäxt bearbeite]
Commons: Bibracher Filmfeschtspiil – Sammlig vo MultimediadateieFueßnote[ändere | Quälltäxt bearbeite]
- ↑ Gründer der Biberacher Filmfestspiele gibt Intendanz ab. Welt, 5. Novämber 2018.
- ↑ Neue Intendantin möchte Filmfestpublikum verjüngen, Schwäbische Zeitung, 19. Februar 2019.
- ↑ Neue Intendantin der Biberacher Filmfestspiele vorgestellt. In: swr.de. 5. März 2021, abgruefen am 18. September 2021.
- ↑ Website des B.I.F.F., abgefragt am 8. Januar 2010
|
Dä Artikel basiert uff ere fräie Übersetzig vu dere Version vum Artikel „Biberacher_Filmfestspiele“ vu de dütsche Wikipedia. E Liste vu de Autore un Versione isch do z finde. |