Bertin Nitz
Dr Bertin Nitz (* 19. Mai 1888 z Neikirch; † 15. Augschte 1932 z Gietebach) isch e dytsche Haimetdichter gsii.
Lääbe
[ändere | Quälltäxt bearbeite]Dr Nitz isch anne 1888 z Neikirch bi Furtwange as elfts vu dryzee Chinder[1] uf d Wält chuu. No dr Schuel het er in dr Badische Uhrefabrik e Lehr as Chaufmann gmacht. In dr Uhrefabrik het er au no dr Lehr gschafft un isch schließli Prokurischt wore. Är isch ghyrote gsii un het vier Chinder ghaa.
Dr Bertin Nitz het Gedicht im Alemannisch vum obere Bregdal gschribe. Anne 1914 isch unter em Titel „Schneeglöckli us em Schwarzwald“ e Biechli uusechuu mit ere Uuswahl dervu. D Friedel Scheer-Nahor schrybt iber des Bändli „S isch de eifache Litt gwidmet un im Große un Ganze änder heiter wiä tiäfsinnig.“[2]
Im Augschte 1932 isch er bim me Familienuusflug im Schwimmbad z Gietebach gsii un het dert miterläbt, wie eber am Verdrinke gsii isch. Är het däm s Lääbe grettet, het derno aber ne Härzschlag iberchuu un isch dodra gstorbe.
Wärch
[ändere | Quälltäxt bearbeite]- Schneeglöckli us em Schwarzwald. Luschdigi Gedichtli in Schwarzwälder Mundart. Gütenbach 1914.
Literatur
[ändere | Quälltäxt bearbeite]- Friedel Scheer-Nahor: Vor 125 Johr gebore – de Bertin Nitz. In: Alemannisch dunkt üs guet. Heft 1/2013, S. 67
Weblink
[ändere | Quälltäxt bearbeite]- Nitz Bertin uf LEO-BW
- Alte Tradition gepflegt (Site cha nüme abgrüeft wärde; Suche im Webarchiv) , Südkurier, 29. Oktober 2002