Bernard Cazeneuve

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Bernard Cazeneuve (2012)

Dr Bernard Cazeneuve (* 2. Juni 1963 z Senlis) isch e franzesische Bolitiker vu dr Parti Socialiste (PS) un syt em 6. Dezämber 2016 franzesische Premierminischter. Vorhär isch er ab em 2. April 2014 Inneminischter gsii.

Lääbe[ändere | Quälltäxt bearbeite]

Dr Cazeneuve het an dr Elitehochschuel Institut d’études politiques de Bordeaux studiert. Ab 2001 isch dr Bernard Cazeneuve Burgermaischter vu Cherbourg-Octeville gsii un ab 2008 Bresidänt vum Kommunalverband Communauté urbaine de Cherbourg. Boodi Ämter het er im Juni 2012 niderglait. Vu 2007 bis churz no sym Yydritt in d Regierig im Mai 2012 un nomol churzi Zyt no dr Wahl vu dr Nationalversammlig im Juni 2012 isch er ain vu dr fimf bzw. vier Abgordnete gsii, wu s Département Manche in dr Nationalversammlig verdrätte. Sy Mandat isch verlosche, wel e Regierigsmitglid kai Abgordnete derf syy. Am 16. Mai 2012 isch er beigordnete Minischter fir Europaaaglägehaite in dr Kabinett vum Premierminischter Jean-Marc Ayrault gsii, zueständig fir d Nuklearbolitik. Im Zug vun ere Kabinettsumbildig (Ruggdritt vum Jérôme Cahuzac) isch dr Cazeneuve am 19. Merz 2013 Huushaltsminischter im Finanzminischterium wore.

Syt dr Bildig vu dr Regierig vum Manuel Valls am 2. April 2014 isch er franzesische Inneminischter gsii. Dodermit isch er dr verantwortli Minischter gsii fir d Maßnahme no dr verschidene islamistische Aaschleg z Frankrych 2015 un 2016 (unter anderem dr Aschlag uf Charlie Hebdo am 7. Jänner 2015 z Paris, d Aaschleg am 13. Novämber 2015 z Paris un am 14. Juli 2016 z Nizza) un fir d Umsetzig vum Uusnahmzuestand syt em Novämber 2015.

Am 6. Dezämber 2016 isch er noch em Ruggdritt vum Manuel Valls Premierminischter wore.

Weblink[ändere | Quälltäxt bearbeite]

 Commons: Bernard Cazeneuve – Sammlig vo Multimediadateie
Information icon.svg Dä Artikel basiert uff ere fräie Übersetzig vu dere Version vum Artikel „Bernard_Cazeneuve“ vu de dütsche Wikipedia.

E Liste vu de Autore un Versione isch do z finde.