Benutzer Diskussion:Tomkeenig

Seiteninhalte werden in anderen Sprachen nicht unterstützt.
Us der alemannische Wikipedia, der freie Dialäkt-Enzyklopedy

frage an die verantwortlige[Quälltäxt bearbeite]

wie söll me sich bi eim vu euch mälde, wenn me für zum schriebe gsperrt worde isch?

Jetzt gohts jo wider. --Brian :  DISKU  14:40, 25. Jun. 2010 (MESZ)[Antwort gee]
dasch sehr gued merci Tom Keenig 14:56, 25. Jun. 2010 (MESZ)[Antwort gee]

Din erschte Artikel[Quälltäxt bearbeite]

Hoi Tomkeenig Ich gang dervo us, dass du über dich sälber gschribe hesch und vo doher Ahnig über dich hesch. De Artikel über dich laaht no einiges offe. S müsst (zumindescht us minere Sicht) dütlich wärde, warum du/de Tom Keenig für e Enzyklopädii relevant isch. Was macht de Tom Keenig genau? Eifach Musig? Oder Konzert? Woher isch er bekannt? En Enzyklopädii isch ebbe nöd un Ort, wo me sich cha promote. Gliichwohl sind Relevanzkriterie für Lüt us de Alemannia nöd so höch wi zum Bischpil in de dütsch Wikipedia. Mir went es regionals Profil ha, aber nöd eifach für jede. S wär scho no guet, du chönnscht ois Informatione lifere, wo zeige, was am Tom Keenig so bsunders isch. --Brian :  DISKU  14:40, 25. Jun. 2010 (MESZ)[Antwort gee]

Hei Brian, merci für die Antwort. Also ich wird de Artikel no vervollständige, jez hani nur grad mol s nötigschte drignoh, wird scho no umfangriicher und denn au ersichtlicher warum, was, wär gege wär etc. Beschte Dank nomol für di Antwort Tom Keenig 14:59, 25. Jun. 2010 (MESZ)[Antwort gee]

min erschte artikel[Quälltäxt bearbeite]

was muessi liefere? Ziitigsartikel und/oder (Un)offizielli Produktione? bi hauptsächlich im untergrund tätig

bi zum biespiel ein vo de wenige basler studiobsitzer wo de junge und arme d möglichkeit giht günschtig bis gratis uufnahme zmache, egal ob rap oder gsang

Grundsätzlig chasch alles schriibe, was für d'Allgemeinheit interessant isch (lüeg Wikipedia:Artikel für Details zu unsere Artikelrichtlinie). Us em Artikel sott vüregoh, wär de bisch un wiso de für e Enzyklopedii relevant bisch. Wenn de's nit bisch, no müeß de Artikel leider glöscht were, denn au we'mr uns bemiehje, trotz Relevanzkriterie tolerant für mögligst viil offe z sii, wirsch sicher verstoh, dass mer nit übber jedi Person, jede Verei, jedi Stroß etc. uff derre Wält e Artikel chönne schriibe, wu deno keine lisd. --Strommops 16:25, 25. Jun. 2010 (MESZ)[Antwort gee]

Hoi Tomkeenig Du hesch en Iitrag, wo ich vo dir ha Rückgängig gmacht ha, wider iigfügt. Will du noch noi bisch wot ich dich druf ufmerksam mache, dass so öppis im Prinzip en Edit-war isch und du Docht chasch gschperrt werde. Wenn öppe en Änderig rückgängig macht, dann muesch uf de Diskussionssite e Begründig für d Änderig aagäh. Erscht wenn uf de Diskussionssite öppis usdiskutiirt isch, cha dann de Abschnitt oder d Ergänzig iigfüegt werde. --Brian :  DISKU  14:30, 1. Jul. 2010 (MESZ)[Antwort gee]

Huch, was isch denn do scho wider los? @Brian: Um welle Iitrag goht s iberhaupt? Chenntsch des villicht uf dr Diskussionssyte zue däm Artikel expliziere :-) ? --Holder 15:52, 1. Jul. 2010 (MESZ)[Antwort gee]
Sorry my Fählr, has erscht jez gsäh.. stimmt ds jez so?Tom Keenig 15:39, 8. Jul. 2010 (MESZ)[Antwort gee]

Formatierige[Quälltäxt bearbeite]

Sali Tomkeenig,

lüeg zur Formatierig emoll do, uff derre Site sin di wichtigste Formatierige uffglistet. Wenn öbbis nit funktioniert, isch es au nit schlimm, mer cha's jo spöter all no korrigiere. ;-) Grüeß, --Strommops 16:08, 8. Jul. 2010 (MESZ)[Antwort gee]

ds hani gseh, thx! ich gib eifach mi beschts ;) Tom Keenig 16:22, 8. Jul. 2010 (MESZ)[Antwort gee]

Hoi Tomkeenig,

villicht meinsch Du myyni Änderige an dyym Artikel Dan Henderson. Ich haa dert e baar Sache gänderet, wu ich s Gfiel gha haa, mer deet des im Dialäkt andersch sage (z. B. ender "uf d Welt cho" statt "gebore wärde"). Wänn du aber meisch myyni Änderige sin falsch gsi un Du saisch des in dyym Dialäkt halt eso, no chasch die Änderige au gärn wider ruckgängig mache :-). LG, --Holder 16:00, 10. Jul. 2010 (MESZ)[Antwort gee]

i bi chli vorsichtig mit eifach wieder zruggändere ohni zerscht sänf und ketschöp abzgäh ;) jä genau, ich sag wirklich isch gebore worde, aber au isch ufd wält cho, je nach stimmig so wies grad passt. das dini änderige falsch sin würd ich nie im läbe behaupte, nur töne si (wie für di mini aanschiinend au) für mi z.T. komisch, eifach anderscht als hät ichs nid gschriebe, gseit, wie au immer, hauptsach me vrstoht dr inhalt, ds isch d hauptsach. bi allzudeftige änderige, wird i mi scho drüber uusloh ;) ~merci für euri arbeit, ds ganze kontrolliere, korrigiere, formatiere!!! cheerz --Tom Keenig 09:28, 12. Jul. 2010 (MESZ)[Antwort gee]

bilder, pix, molereie[Quälltäxt bearbeite]

saaaaale zämme, cha mr öber erkläre, wie ich pix cha uf wikipedia laade (natürlig nür eigeni ;)) e grosses dangge im vorrus --Tom Keenig 09:31, 12. Jul. 2010 (MESZ)[Antwort gee]

Sali Tomkeenig, s git zwo Meglikeite, zum Uffelade vu Bilder in d Wikipedia:
  • Zem Eine chasch e Bild uf Wikimedia Commons (d Allmänd) uffelade, des isch di zäntral Mediesammlig fir alli Wikimedia-Projäkt. Dr Vorteil isch dert, ass Dyy Bild uf allne Wikipedie un andere Wikimedia-Projäkt cha brucht wäre, zem Byschpel au in dr dytsche Wikipedia. Wie mer uf d Commons e Bild uffeladet, fir des hämer do e Hilfssyte un e Tutorial. Dr Nochteil isch, ass uf dr Commons e eidytigi freji Lizänz zum Urheberrächt am Bild mueß aagee syy. Wänn s do no Uuklarheite git, unter welli Lizänz Du s Bild stellsch, no wird s Bild schnäll wider glescht.
  • Zem Zweite chasch Du s Bild au do in di Alemannisch Wikipedia uffelade. Fir des git s des Formular. Do isch dr Vorteil, ass mer cha ohni Zytdruck mitenand diskutiere, wänn s Uuklarheite git. Wänn derno alles in Ornig isch, cha mer s Bild im Ibrige allno uf d Allmänd uffelade.
LG, --Holder 09:57, 12. Jul. 2010 (MESZ)[Antwort gee]
BIG THANX TO HOLUNDER !!! Tom Keenig

Mirko Filipovic[Quälltäxt bearbeite]

Hoi Tomkeenig, dy Artikel findsch jetz unter Mirko Filipovic, s isch besser eso Artikel unter em burgerlige Name aazlege. LG, --Holder 12:05, 12. Jul. 2010 (MESZ)[Antwort gee]

eeeey holunder, merci! ich has mol eifach vom dütsche übernoh, gar nid gachtet was für e betitlig es ka het, uf dr änglische isch s glaub nomol anderscht... übrigens, wie kann ich genau das wo du jez gmacht hesch, also de name, nach daem denn au gsuecht wird ändere bzw neue titel ändere (du hesch jo jetzt mirco "cro cop" filipovic uf Mirko Filipovic gänderet) aber gsuecht wird är sicher zue 99% (wenn überhaupt uf dr als-siiter) unter em name cro cop odr crocop, denn wie är zum bürgerliche name heisst wüsse die wenigschte.. ich hoff vrstohsch mini wahrschiinlich viiiiiiiel zu komplizierti gstellti froog, danke bereits im vorus fürd antwort- cheeerz -- Tom Keenig 15:41, 12. Jul. 2010 (MESZ)[Antwort gee]