Benutzer Diskussion:Matthead
Do gibts fei nex zom diskutiere.
Sali Mattheadle und härzlig willkomme uff dr alemannische Wikipedia! Merci für din Artikel Sueben. Hesch gseh, ass es au en Artikel Sueben (Galizien) gitt? Zu dim Artikel Sueben hett ich no e Bitt: Du bringsch es paar Moll Präteritum-/Imperfekt-Forme, z.B. "waret". Im Alemannische - und au im Schwäbische, wenn ich mich nid brutal tüüsch - gitts aber nie es Präteritum/Imperfekt, sondern dass isch en leidige Yfluss uss em standarddütsche. Ich kann kei Schwäbisch, bin aber dr Meinig, es miessti statt "waret" irgendwie "sin gsi" oder "san gwe" (vo "sind gewesen", em Perfekt) heisse. Susch hesch jo au immer ridchtigerwiis Perfekt. Wär guet, wenn das nomoll aluegsch. Zu dinere Frog wäg em Lemma han ich dir diräkt bi Diskussion:Alamannen g'antwortet, lueg drzue au aktuell Diskussion:Houptsyte (z'unterscht). Ich wünsch dr witer vill Spass bi uns und falls Frooge hesch: Nur zue! --Dr Umschattig red mit mir 12:05, 16. Okt. 2007 (CEST)
PS: Wenn du verlinksch im Artikel, kasch ohni Problem au dr alemannisch Name nee. Allerdings muesch z'erscht dr hochdütschi schriibe. Also zum Byschpill statt Rhein ([[Rhein]]), schriibsch [[Rhein|Rhy]], das ergitt Rhy. Das wäri bi de Suebe no z'mache --Dr Umschattig red mit mir 12:19, 16. Okt. 2007 (CEST)
- Scho rächt, es isch halt arg ogwöhnt so z'schreiba wia mr schwätza tuat, sell hend se oim en dr Schual fei abgwöhnt, wo mr dia Grammatik mit Präservativ Defekt ond so hodd üaba miassa. I woiß no wia I grschriba ghet han "Er hebte den Ball auf". Do hodd dia Lehrere, oine aus Norddeutschland oder Südschweda, fei mordsmäßig gschompfa ond mit rotr Tint "hob" neigschrieba. Hano, woher soll i solche Wörtr kenna? Sell mit dem "Piping" kenn i scho, aber es isch halt kompliziert grad wenn mr net woiß wia an Artikl iberhaupt hoisst. I han arg viel rote Lenks erwischt - Diskussion:Hauptseite isch au oiner, Diskussion:Houptsyte tät passa, au do fehlt a Omleiteng. --s'Mattheadle 14:08, 16. Okt. 2007 (CEST)
- d'Hauptsite isch eini vo de wenige Gegeusnahme, wonich prompt nid dra dänggt han. D'Hauptsite ghört ebbe nid zu de Artikel, sondern zu de Wikipedia-Syte, und derte giltet d'hochdütsch-Regel nid. Tja, d'Wält isch kompliziert ;) --Dr Umschattig red mit mir 21:59, 16. Okt. 2007 (CEST)
Stiil
[Quälltäxt bearbeite]Hoi Mattheadle, i han emol all Dini Biiträäg aaglueget und debi festgstellt, ass Du i de Diskussione e würkli schöös und korrekts Schwööbisch schriibsch, en alemannische Dialekt, wo s öberhopt nünt dra uszsetze git und ono - wa selte isch - orthogragisch guet isch. I dene Biiträg schriibsch du genauso wien en rechte "Sauschwoob" schwätzt, wie mer "Chueschwiizer" seged. Wemmer aber Dini Artikel Suebe und Limes alueget, chunnt aim s Grüüse. Da isch grad s Gegetail, do haut Der ständig e nordtütschi oder au e südschweedischi Leereri alimol ais uf Dini Finger und schrait: "Das ist des Genitivs würdig und Prätertümer sind nie Irrtümer!" Und so verchunnt Din natüürliche und schööne alemannisch-schwööbische Stiil zumene Chnorz ases ebe nüme schöö isch. Da Probleem isch ide alemannische Wikipedia scho lang bikannt; de Tüüfel lit nöd im Detail sondern i dene laide Öbersetzige. Abgsie dodevo - da isch jetz mini persönlichi Mainig - ass Öbersetzige immer hässlich sind, isch es uf jede Fall besser en aigne Artikel z schriibe. Egal öb Du jetz en aigne Artikel schribsch oder en tütsche Artikel öbersetzisch, am beste isch, du machschs wie de Alex, wo vor wenige Tage gschribe het: "Am beschdá schwäzd Ma w’rglich laud, wärend Ma schreibd" (lueg do) oder no besser, Du lesisch s Dinere schweerhörige Groosmuetter voor - ganz egal öb si no lebt oder scho lang toot isch und gär nünt me ghöört! Du muesch zuegee müese, die baide Artikle Suebe und Limes wööred ganz andersch tööne, ebe grad ase, wie s richtig isch und nöd irget e "verschwööbelets Hoochtütsch". I hoff, ass Du jetz verstoosch wiso de Chlämens und i a Der ase an Chare anegfaare sind, aber öbersetzts Alemannisch mäggelet emel "vei vill", voralem wemer gsiend, wie Dini Diskusione so richtig lebig sind. --al-Qamar 18:46, 23. Okt. 2007 (CEST)