Benutzer:Pakeha/Globus (Kartographie)
E Globus (Mehrzahl: d Globe oder Globuss; latynisch für Chugle) isch i de Kartografy es verchlynerts, chugelförmigs Modäll vo dr Ärde (terrestrische Globus oder lat. Globus terrestris), eme Himmelskörper oder de schynbare Himmelschugle. Mer underscheidet zwüsched Himmelsglobe und Planeteglobe (vo dr Ärde oder vom Mond, de Venus oder em Mars). D Himmelsglobe zeiget de Stärnehimmel uf de schynbare Himmelschugle und hend en elteri Gschicht als d Ärdglobe. Bis zum 19. Jahrhundert sind Globe meist paarwys härgstellt worde: En Ärdglobus und e dezueghörige Himmelsglobus.
Globe und Luftbilder gehöred zu de chartenverwandte Darstellig wie au d Planetarie. De Vorteil vom Globus gägenüber ere Charte isch, dass er glychzytig form-, fläche-, winkel- und längegetrüü isch. Die Eigenschafte cha d Charte nid glychzytig erfülle, wil sich d Flächi vonere Chugle nid ufere äbene Flechi abrollen laht. E wytere Vorteil vo de Globe isch d Aaschaulichkeit bi de Darstellig vo längere Flug- und Schiffsroutene. D Nachteil vom Globus gägenüber vo de Charte sind syni umständlichi Lagerig und de Transport, en höchere Priis, en meist chlynere Massstab und dass es unmöglich isch, di ganzi Ärdoberflächi uf ei Blick aazluege. Wenn vomene Globus gredt wird, meint mer fast immer en Ärdglobus oder umgangssprachlich d Erde sälber, zum Biispyl im Satz „um de Globus reise“.
Weblink[ändere | Quälltäxt bearbeite]
Commons: Globus – Album mit Multimediadateie- Globenmuseum vo de Östriichische Nationalbibliothek
- coronelli.org – Internationale Coronelli-Gesellschaft für Globenkunde
- Virtuelle Globen – Entwicklungsgeschichte und Perspektiven (Screenshots virtueller Globen).
- Bildergalerie von Globen in der David Rumsey Map Collection
- Der Mainzer Himmelsglobus (Memento vom 23. Oktober 2005 im Internet Archive)
- Martin Waldseemueller Globus 1507 mit Amerika
- Eine kleine Kulturgeschichte der Globen bei Monumente Online