Baselworld
| Dialäkt: Baseldütsch |
D Baselworld isch e Mäss für d Uhre- und Schmuckindustrii, wo am wichdigste isch uf dr ganze Wält. Si findet jedes Joor im Früehlig z Basel in dr Mustermäss statt.
Mä füehrt drbii d Nöjhäite in de Beriich Uhre, Schmuck, Edelstäi und verwandte Branschene. Es git Broduzänte in dr Uhre- und Schmuckbransche wo nume an dr Baselworld usstelle.
Sit 2004 het d Mäss en Usstelligsflechi vo brutto 160.000 Kwadratmeter. 2008 si 106'800 Bsuecher us 100 Länder cho zum d Waare vo 2'087 Usteller us 45 Länder cho aaluege. 2'981 Schurnaliste us 70 Länder si an dr Mäss gsi.
Gschicht[ändere | Quälltäxt bearbeite]
Die ersti Uhre- und Schmuckmäss goht uf s Joor 1917 zrugg, wo si e Däil vo dr Basler Mustermäss gsi isch. 1931 het d Mäss en äigene Pavillon überchoo. Im Joor 1963 isch si in e neue Pavillon, wo grad erst baut worden isch. Erst 1972 häi an dr Mäss usländischi Ussteller chönne mitmache, zerst si si us Dütschland, Frankriich, Groossbritannie und Italien choo, vo 1986 het s au ussereuropäischi Usteller gee.
1973 het d Mäss dr Name Europäische Uhren- und Schmuckmesse (EUSM) überchoo. Vo 1983 aa het si äifach BASEL 83 etc. ghäisse, vom Joor 2000 aa isch s Basel2000 usw. gsi. Sit 2003 isch dr offiziell Name Baselworld.
Weblingg[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Baselworld“ vu de dütsche Wikipedia. E Liste vu de Autore un Versione isch do z finde. |