Basellandschaftlichi Ziitig

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Basellandschaftliche Zeitung
Basellandschaftliche Zeitung.gif
Beschriibig Schwiizer Dagesziitig
Sproch Dütsch
Verlag Lüdin AG
Erstusgob 1. Juli 1832
Erschiinigswiis däglig
Uflag 22.579 Exemplar
Chefredakteur Thomas Dähler
Herusgäber Mathis Lüdin
Weblingg Website vo dr bz

Die Basellandschaftlichi Ziitig (bz) isch noch dr Basler Zitig die zweitgrösst Dageszitig in dr Region Basel und het ihre Sitz z Liestel. Si ghört zum Verlagshuus Lüdin.

D Uflag lit bi 22.579 verchaufte Exemplar (WEMF 2007), am Mittwoch git s e Grossuflag, wo in über 81'000 Huushalt gläse wird. Im Bezirk Waldeburg het d bz mit 32 Prozänt vo de Huushalt die stärksti Abdeckig, im Bezirk Liestel si s 29 Prozänt. Weniger stark isch d Regionalzitig in de Bezirk Sissech und Dorneck/Thierstei (Solodurn) und in dr Agglomeration (Bezirk Arlese: 7 Prozänt). Nume zwei Prozänt isch d Abdeckig vo de Huushalt im Kanton Basel-Stadt.

Sit em 16. September 2006 erschiint d bz as Chopfblatt vo der Middelland-Zitig. Eigeständig produziert wird nume no dr Regionaldeil (Nochrichte und Sport), bi de Azeige git s e regionali Filterig. D Redaktion vo dr bz cha aber au Iifluss neh uf die übrige Deil vo der Middelland-Zitig und Ardikel striiche, ersetze oder verändere.

D bz beschäftigt in dr Redaktion öbbe zwanzig Agstellti.

Weblingg[ändere | Quälltäxt bearbeite]