Bank für en Internazional Zaaligsusgliich

Us der alemannische Wikipedia, der freie Dialäkt-Enzyklopedy
Bank für Internationalen Zahlungsausgleich (BIZ)
Bank for International Settlements (BIS)
Banque des règlements internationaux (BRI)
Banco de Pagos Internacionales
Banca dei Regolamenti Internazionali
 

Organisationsart Internazionali Organisazioon mit eme äigene Rächtsstatus[1]
Sitz vo de Organ Baasel, Schwiz (Hauptsitz)
Hongkong (Representanz)
Mexikostadt (Representanz)
Amts- un Arbetssproche Änglisch, Franzöösisch, Dütsch, Italiänisch, Spanisch
Gründig 17.Mai 1930
www.bis.org
Dialäkt: Baseldütsch
Dr 20-stöckigi Hauptsitz vo dr BIZ bim Baanhoof SBB z Baasel
47° 32′ 53,1″ N, 7° 35′ 30,3″ O
S hütige Zwäitgeböid vo dr BIZ am Aescheblatz z Baasel; früener dr Sitz vo dr UBS. Archidekt: Mario Botta
47° 33′ 2,9″ N, 7° 35′ 42,1″ O

D Bank für en Internazional Zaaligsusgliich (BIZ) (änglisch Bank for International Settlements, franzöösisch Banque des règlements internationaux, italienisch Banca dei Regolamenti Internazionali, spanisch Banco de Pagos Internacionales) isch en Internazionali Organisazioon vom Finanzwääse. D BIZ isch am 17. Mai 1930 im Raame von ere Nöiregelig vo de dütsche Reparazioonsverpflichdige gründet worde. Si isch die eltisti internazionali Finanzorganisazioon uf dr ganze Wält.

Nume Zentralbanke oder vergliichbari Instituzioone chönne Mitgliid wärde. Zur Zir het si 60 Mitgliider. D BIZ gältet as d „Bank vo de Zentralbanke“ und spiilt e Schlüsselrolle bi dr Zämmenaarbed vo de Zentralbanke und andere Instituzioonen us em Finanzberiich. So organisiert regelmäässig Sitzige uf dr Eebeni vo de Guwernöör vo de Zentralbanke, wo sich vor allem mit Frooge vo dr Laag vo dr Konjunktur und de Finanzmäärt beschäfdige und dr Stabilidäät vo de Wäärige und Finanze. Au s Sekretariat vom Financial Stability Board (FSB) und dr Baasler Usschuss für d Bankeufsicht, wo noch em Zämmebruch vo dr Kölner Herstatt-Bank gründet worde isch, si bi dr BIZ dehäi.[2]

E zentrali Ufgoob vo de 647 Mitarbäiter vo dr BIZ isch s, im Ufdraag vo de Akzionäär wie dr amerikanische Fed oder dr Öiropäische Zentralbank (EZB) e Däil vo deren iire Resärve z verwalte. D BIZ verwaltet au Däil vo de internazionale Wäärigsresärve mit eme Kapital vo 307 Mrd. Euro im Gschäftsjoor 2011/12. Si agiert au as Zentrum für Forschig im Wirtschafts- und Finanzberiich und isch e Fachagentur für d Usfüerig vo bestimmte spezifische Veriibaarige, wo d Bankmanidscher vo de Zentralbanke uf dr ganze Wält sötte aawände.[3][4][5]

D BIZ het bi vile historische Eräigniss und Entwigglige vo wäärigspolitische und finanzwirtschaftlige Entschäidige wie vom Bretton-Woods-System und vo dr Gstaltig vo dr Öiropäische Wäärigsunion e maassgääbligi Rolle gspiilt.[4]

Dr Hauptsitz vo dr BIZ isch Baasel. Wägen em Abkomme mit em Schwizer Bundesroot isch die schwizerischi Hohäitsgwalt über d Grundstück, d Geböid und die Aagstellte vo dr BIZ beschränggt. Representanze vo dr BIZ befinde sich in Hongkong und Mexiko-Stadt.

S Archiv vo dr BIZ[ändere | Quälltäxt bearbeite]

S Archiv vo dr BIZ stoot uf dr Liste vo de Kulturgüeter z Baasel, wo nazionali Bedütig häi.

Litratuur[ändere | Quälltäxt bearbeite]

  • Günther Beitzke: Die Rechtsstellung der Bank für internationalen Zahlungsausgleich insbesondere im Völkerrecht. Noske, Borna-Leipzig 1932, zugleich Dissertation an der Christian-Albrechts-Universität zu Kiel.
  • Die geheimnisvolle BIZ. Die Bank für internationalen Zahlungsausgleich wird 75. In: analyse & kritik. Nr. 498 vom 16. September 2005.
  • James Calvin Baker: The Bank for International Settlements: Evolution and Evaluation. Quorum Books, Westport (Connecticut) 2002, ISBN 1-56720-518-6.
  • Gianni Toniolo (Hrsg.): Central Bank Cooperation at the Bank for International Settlements, 1930-1978. Cambridge University Press, New York 2005, ISBN 978-0-521-84551-9.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Iidraag vo dr Bank für Internationalen Zahlungsausgleich im Handelsregister vom Kanton Basel-Stadt Archivlink (Memento vom 11. Dezämber 2015 im Internet Archive)
  2. Deutsche Bundesbank: BIZ Archivlink (Memento vom 8. Oktober 2013 im Internet Archive)
  3. 82. Jooresbricht vo dr BIZ, 2012 (PDF; 6,9 MB)
  4. 4,0 4,1 Offiziells Archiv vo dr BIZ (PDF; 173 kB)
  5. Dietrich Eichholtz, Kurt Pätzold (Hrsg.): Der Weg in den Krieg. Berlin 1989, S. 12.
Dä Artikel basiert uff ere fräie Übersetzig vum Artikel „Bank_für_Internationalen_Zahlungsausgleich“ vu de dütsche Wikipedia. E Liste vu de Autore un Versione isch do z finde.