Baloise Session

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Konzärt an dr Avo Session Basel 2006
Dialäkt: Baseldütsch

D Baloise Session (bis 2012 under em Naame AVO Session Basel) isch en Indoor-Muusig-Festiwal in dr Schwiz, wo an em nazionali und internazionali Stars in ere Klubdisch-Atmosfääre ufdräte. S Festiwal het en internazionali Usstraalig und findet jedes Joor im Oktober/Novämber z Baasel statt.

Bsundrigs an däm Muusigewänt isch, ass s Publikum nooch zu de Star isch und ass an jedem Konzärtoobe zwäi oder drei Künstler ufdräte, wo im ene spezifische Bezug zuenander stöön und so de Gest e musikalischi Gschicht verzele. De Bsuecher wird eso e thematische Oobe presentiert mit Künstler, wo en äänlige stilistische, gschichtlige oder geografische Hindergrund oder öbbis anders gmäinsam häi.

Dir Veraastalter bezäichnet d Muusigklub-Atmosfääre mit Cherzeliecht, die zum Däil spezielle Brogrammkombinazione und die groosse Nääme im chliine Raame als s Markezäiche vo dr Baloise Session. D Gsamtuslastig lit sit Joor bi 95 bis 100 %.

Gschicht[ändere | Quälltäxt bearbeite]

D Gründig[ändere | Quälltäxt bearbeite]

D Baloise Session us dr Rheinknie Session entstande, wo im Herbst 1985 vom Enrico Bonometti, Matthias Müller und Stephan Werthmüller gründet worde isch. Die ersti Usgoob vom Festiwal im Mai 1986 het mit fümf usverchaufte Konzärt mit Künstler wie em Oscar Peterson, Albert Collins und Koko Taylor aagfange. Im Joor druf si under anderem dr Fats Domino und dr Buddy Guy ufdräte.

Die regionali Etablierig[ändere | Quälltäxt bearbeite]

Wo dr Miles Davis 1988 verpflichdet worde isch, isch das zum e Wäägwiiser und Mäilestäi worde. Vo denn isch dr Muusig-Ewänt stilistisch uf Bluus, Dschääs und Gospel usgrichdet gsi und zum erste Mol au usserhalb vo dr Nordwestschwiz zur Kenntnis gno worde. Musiker wie dr Dizzy Gillespie, dr Michel Petrucciani und dr Herbie Hancock si z Baasel ufdräte und dr Claude Nobs vom Montreux Jazz Festival isch Mitgliid im Patronatskomitee vom Festiwal worde.

Dr Schritt zum nazionale Festiwal[ändere | Quälltäxt bearbeite]

Im Joor 1995 het sich s Festiwalmanidschmänt entschlosse, dr Ewänt inhaltlig und optisch nöi z posizioniere. S Imidsch isch jünger worde, die stilistischi Usrichdig dur World Music, Soul und Funk erwiiteret worde und mee internazionali Künstler si verpflichdet worde.

In de Joor druf si am Festiwal Künstler wie dr Bob Geldof (1998), Ray Charles (1999), James Brown (2000), Chris de Burgh (2001), Paolo Conte (2002), Deep Purple (2003), Lionel Richie (2004), Simply Red (2005), Elton John (2006), P!nk (2006) Joe Cocker (2007), Amy Macdonald (2008), Grace Jones (2009), Tom Jones (2009), Jamiroquai (2010), Mary J. Blige (2010), Laura Pausini (2011), Hurts (2011), Liza Minnelli (2011)[1], Paul Anka (2011), Dionne Warwick (2012), Alice Cooper (2012), Rod Stewart (2012), Eric Clapton (2013) und Gloria Estefan (2013) z Gast gsi.[2]

Im Färnsee und Radio[ändere | Quälltäxt bearbeite]

D SRF nimmt alli Konzärt integral uf und veröffentligt sä uf dr ganze Wält in über 140 Länder uf alle 5 Kontinänt. Eso cha mä s Baasler Muusigfestiwal au in Länder wie Japan, Argentinie oder China gsee. Bsundrigi Brogramm-Häiläights wärde vo dr Öirowision oder ARTE läiw überdräit.

Verschidnigi Konzärt wärde uf Radio SRF 1 und SRF 3 gsändet. Es git au e baar Konzärt wo mä uf DVD cha chaufe.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Thomas Steiner: Liza Minnelli in Basel: Bestes altes Showbiz., Konzertreview in der Badischen Zeitung vom 27. Oktober 2011, abgrüeft am 29. Novämber 2012
  2. Gesamtübersicht der Auftritte beim AVO-Festival bis 2012 Archivlink (Memento vom 21. Oktober 2013 im Internet Archive) uf dr offizielle Website vom Festiwal, abgrüeft am 29. Novämber 2012
Information icon.svg Dä Artikel basiert uff ere fräie Übersetzig vum Artikel „Baloise_Session“ vu de dütsche Wikipedia.

E Liste vu de Autore un Versione isch do z finde.