Ball

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Schwäbisch
Wasserball

A Baal (haochdeitsch "Ball") isch a ronds Deng, må mor werfà, kiggà, schlagà oddr sonscht ebbes dormid doà kò. S´geid ganz verschiedene Bäll: Fuaßbäll, Handbäll, Schonglierbäll, Tennisbäll, Wassrbäll ond viele andore Ardà.

Maeschdens send se mit Lufd gfilld, s´geid abor ao welche, må äbbes anders drenndenn isch, zom Beischbiel isch en de Schonglierbäll oft Hirsa drenndenn. Schonglierbäll bombd mor außerdem ned uf, wia on Wassorbaal, weil dees däd nemlich gar ned gangà, weil då isch d´Außàhaudt aus Schdoff oder Läador ond s´geid maeschdens koe Blaschdik. Bei andore Bäll isch d´Außàhaut aus Gommi on då drom isch nå no Läador, wia beimà Handball. Frior hådd mor d´Bäll, weil mor då no koe Blaschdik ghet hådd, aus mà Bläsle von rà Sau gmachd. Dia hådd mor nå nò ufblåsà.

Weblink[ändere | Quälltäxt bearbeite]

 Commons: Balls – Sammlig vo Multimediadateie