Béatrice Hess

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Elsassisch

D Béatrice Hess (* 10. Novamber 1961 z Colmer) isch a frànzeescha Schwìmmera, wo ìn da Paralympics-Spììler zwìscha 1984 un 2004 vììl Medàlia gwunna hàt. D frànzeescha Zittung L’Humanité hàt sa wia eina wu da beschta Schwìmmer ìn dr Walt üszeichent[1].

Jugend[ändere | Quälltäxt bearbeite]

D Béatrice stàmmt üs Ràppschwihr. Ìhra Vàter, dr Jérôme Pierre ìsch Schüehmàcher gsìì, ìhra Müeter, d Émilie Jacquot ìsch a Wawera gsìì[2]. Wo sa uf d Walt kumma ìsch, hàt d Béatrice a Knochaentzìndung àn da Bei bikumma. Trotz ìhra Behìnderung ìsch d junga Béatrice ìn d Schüel gànga, z Ràbschwihr, bis zu 13 Johr àlt.

Noh dam ìsch sa operiart worra un ìsch viar Johr uf Berck (Pas-de-Calais) gànga, fer ìn'ma Pflagzentrum wohna. Da Ort ìsch dur Schweschtra regiart gsìì, mìt'ra stranga Disziplin fer d Kìnder wo därt glabt han. Ìn dara Zitt sìn ìhra Bei làhm worra, sa hàt gàr nìmm känna làuifa un ìsch ìn a Rollstüehl kumma. Zum Glìck hàt sa aui lehra schwìmma. Ìm Wàsser hàt sa a Frèiheitgfühl entdeckt, wo ìhra d Sorga vum Àlltàg hàt halfa z vertràga.[3]

Sportliga Kàrriar[ändere | Quälltäxt bearbeite]

Wo sa ìns Elsàss zruck kumma ìsch, hàt sa ìm Schwìmmclub vu Schlettstàdt trainiart, un speeter ìn dr frànzeescha nàtionàla Mànnschàft.

Ànna 1982 hàt sa àn da ìnternàtionàla Spììler fer Behìnderta vu Stoke Mandeville, ìn Anglànd, mìtgmàcht. Un ìn da Paralympics-Spììler vu 1984 hàt sa ìhra erschta Guldmedàlia gwunna.

Sa hàt bis ànna 2004 àn da Paralympics-Spììler teilgnumma.

Medàlia ìn da Paralympics-Spììler[ändere | Quälltäxt bearbeite]

Summer 1984, New-York: 4 Guldmedàlia Guld
Summer 1988, Seoul: 1 Guldmedàlia Guld, 1 Sìlvermedàlia Sìlver
Summer 1996, Atlanta: 6 Guldmedàlia Guld, 1 Sìlvermedàlia Sìlver
Summer 2000, Sydney: 7 Guldmedàlia Guld
Summer 2004, Athen: 2 Guldmedàlia Guld, 3 Sìlvermedàlia Sìlver

Privàtlawa[ändere | Quälltäxt bearbeite]

Dur dr Sport hàt sa dr Aristide Hess lehra kenna, sa han mìtnànder ghirota un han zwei Kìnder bikumma: dr Guillaume (1990) un d Delphine (1993).[4]

Üszeichnunga[ändere | Quälltäxt bearbeite]

  • officier de la Légion d'honneur (Ritter vu dr Ehralegion), àm 21 Janner 2008
  • commandeur de la Légion d'honneur, àm 1. Janner 2015

Referanza[ändere | Quälltäxt bearbeite]

  1. Béatrice Hess : "En soi, existe toujours un potentiel…", L’Humanité, 28.10.2000 (fr)
  2. Béatrice Hess, sa vie, uf beatricesydney2000.com (fr)
  3. Jeux paralympiques : Béatrice Hess, comme l’eau vive, uf lemonde.fr, 15.09.2016 (fr)
  4. Béatrice Hess, uf fondaction-alsace.com (fr)