Bäckeranlage

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Beckeraalaag

D Beckeraalaag isch e Park im Bezirk Ussersyl z Züri.

Ane 1901 het dr Evariste Mertens dä Platz i dr aart vom ene Landschaftsgarte als en Stadtpark zmitzt im Kwartier Ussersyl bout. Dr Oort het aber nit als Begägnigszäntrum funkzioniert. Drum sind 1938 dr Walter und dr Oskar Mertens e nöie Platz druus go mache, wo de Lüüt vil meh Möglechkeite git zum druff öppis mache.

I de 1970er Joore isch d Beckeralaag starch vo Obdachlose beleit gsi, und i de 1990er Joore sind no vil Drogesüchtigi drzuechoo; für d Lüüt us em Kwartier Ussersyl isch dr Platz nüt me gsi. Do het d Stadt ane 2001 d Alaag zuetoo und yghaaget, und es isch e ständige Polizeiposchte dörthy choo.

Ane 2004 isch im Park s Geböid vom nöie Kwartierzäntrum Ussersyl bout worde.

Weblink[ändere | Quälltäxt bearbeite]

 Commons: Bäckeranlage – Sammlig vo Multimediadateie

Koordinaten: 47° 22′ 40,1″ N, 8° 31′ 25,5″ O; CH1903: 681946 / 248008