Avenue Anatole-France (Nànzig)

D’ Avenue Anatole-France [avny anatɔl fʁɑ̃s](info) ìsch a braita Schtrooss z’ Nànzig ìm Lothrìnga.

Geogràfii

D’ Avenue Anatole-France lììgt ìm Viartel Poincaré - Foch - Anatole France - Croix de Bourgogne ìm Wäschta vu dr Schtàdt Nànzig. Sa làuift vu dr Rue Raymond-Poincaré bis àn dr Gmaindagranz vu Laxou.

D’ Avenue Anatole-France ìsch aigentlig d’ Verlangerung vu dr Rue Raymond-Poincaré. Sa fàngt àn dr Kritzung vu dr Avenue de Boufflers un vu dr Rue de Saint-Lambert un fàhrt schtàkt uff 632 Määter ìn Rìchtung Süüdwäscht bis àn dr Gmaindagranz vum Vorort Laxou. D’ Schtrooss kritzt rachtwenklig d’ Rue Verlaine, d’ Rue de l’Abbé-Gridel, d’ Rue du Sergent-Bobillot, d’ Rue de Cronstadt un d’ Rue de Médréville. A pààr Määter noh dr Kritzung vu dr Rue de Médréville ìsch d’ Gmaindagranz vu Laxou; dàs ìsch s’ And vu dr Avenue Anatole-France. Verlängert wìrd d’ Schtrooss vu dr Avenue Paul-Déroulède bis ìns Schtàdtzäntrum vu Laxou.

Zwìscha dr Avenue de Boufflers un dr Rue Verlaine verlàuift d’ Avenue Anatole-France pàràlleel zem Jardin Paul-Verlaine.

Gschìcht

Àn dr Schtälla vu dr hìttiga-n-Avenue Anatole-France ìsch schuu ànna 1894 a Prìwààtschtrooss gsìì. Dia Schtrooss ìsch Tail gsìì vun’ra Siidlung zwìscha dr Rue de Santifontaine un dr Rue de Laxou — dàs ìsch àm Nàmmendsort Médreville gsìì. Dr urschprìngliga-n-Àbschnìtt hàt àn dr Rue Verlaine ààgfànga, un ìsch vu dr Rue Poincaré dur a Prìwààtaigatumm getrännt gsìì. S’ Aigatumm hàt züa dr Fàmìlia Zobel gheert; wu ’s ànna 1908 àbgrìssa worra-n-ìsch, ìsch d’ Schtrooss bis àn dr Rue Poincaré witter ààglajt worra — domìt ìsch sa aina vu da längschta Schtroossa vu dr Schtàdt Nànzig worra. Ànna 1904 ìsch sa àls „Gschìtzta-n-Àbtailung“ ärkläärt worra.

D’ Schtrooss hàt z’äärscht Avenue de Toulon ghaissa — dàs ìsch a Eehrung gsìì àn d’ Uffnàhm vu rüssischa Màriner z’ Toulon ànna 1893 ìm Rààhma vu dr Frànzeesch-Rüssischa Àllianz. D’rnooh hàt sa Avenue de France ghaissa un hàt ànna 1924 ìhra hìttiga Nàmma bikumma. Geega dr näija Nàmma hann sìch d’ bìrgerliga Schtroossbewoohner ämphoora, dänn dr Anatole France ìsch a Soziàlìscht gsìì.^[1]

wàs doo z’ sah ìsch

Àn da Nummer 6 bis 12 sìnn Jugendschtiil-Gebäijer z’ sah.^[2]

Mehrera Gebäijer àn dr Schtrooss sìnn vum Àrkitäckt Louis Déon zaichent worra, drunter:^[3]

Nr. 10, zaichent ànna 1922
Nr. 12, zaichent ànna 1910
Nr. 14, zaichent ànna 1911
Nr. 20, zaichent ànna 1920
Nr. 23, zaichent ànna 1923
Nr. 25, zaichent ànna 1909
Nr. 26, zaichent ànna 1909
Nr. 38, zaichent ànna 1910
Nr. 40, zaichent ànna 1910
Nr. 42, zaichent ànna 1913

Ainiga Gebäijer besìtza Buntafanschter, wo dr Elsasser Jacques Grüber gmàcht hàt.

Àn Nr. 10
Àn Nr. 12
Àn Nr. 14
Àn dr Fàssàda àn Nr. 16
Àn Nr. 24 un 26
Àn Nr. 25 un 27
Àn Nr. 46 àn dr Kritzung vu dr Rue de l’Abbé-Gridel
Àn dr Kritzung vu dr Rue de l’Abbé-Gridel

Lìteràtüür

Anatole France (avenue). In: Jean-Marie Cuny (Hrsg.): Dictionnaire des rues de Nancy. Éditions Jean-Marie Cuny – Jean de Cousance Éditeur, Nànzig 2001, ISBN 2-908141-07-8, S. 17 (französisch).
Avenue Anatole France. In: Paul Robaux, Dominique Robaux (Hrsg.): Les Rues de Nancy. Editions Univeristaires Peter-Lang, Nànzig/Bärn 1984, ISBN 3-261-04000-9, S. 44–45 (französisch).

Weblìnks

Commons: Avenue Anatole-France (Nànzig) – Sammlig vo Multimediadateie

Ainzelnoohwiisa

↑ Savez-vous quelle est l’originalité architecturale de l’avenue Anatole-France à Nancy ? In: L’Est républicain. 25. Februar 2021, archiviert vom Original am 28. Februar 2021; abgruefen am 6. Oktober 2022 (französisch).
↑ Jacques Lasserre: Maisons, 6-12 Avenue Anatole France, Nancy, France. In: The Art Nouveau World. 27. März 2017, abgruefen am 6. Oktober 2022 (französisch).
↑ Lischta vu da Gebäijer, wo dr Louis Déon zaichent hàt bii PSS-Archi.eu, àbgrüafa-n-àm 6. Oktoower 2022 (frànzeesch).

48.68646.1599194444444Koordinate: 48° 41′ 11″ N, 6° 9′ 35,7″ O

Dä Artikel basiert uff ere fräie Übersetzig vu dere Version vum Artikel „Avenue_Anatole-France_(Nancy)“ vu de französische Wikipedia. E Liste vu de Autore un Versione isch do z finde.

[1] Savez-vous quelle est l’originalité architecturale de l’avenue Anatole-France à Nancy ? In: L’Est républicain. 25. Februar 2021, archiviert vom Original am 28. Februar 2021; abgruefen am 6. Oktober 2022 (französisch).

[2] Jacques Lasserre: Maisons, 6-12 Avenue Anatole France, Nancy, France. In: The Art Nouveau World. 27. März 2017, abgruefen am 6. Oktober 2022 (französisch).

[3] Lischta vu da Gebäijer, wo dr Louis Déon zaichent hàt bii PSS-Archi.eu, àbgrüafa-n-àm 6. Oktoower 2022 (frànzeesch).

[1]

[2]

[3]