Ausone

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Opsu isch es Dorf vo de Walser im Piemont.

Geografy und Gschicht[ändere | Quälltäxt bearbeite]

Das Dorf isch im 13. Joorhundert vo Lüüt usem Wallis gründet worde, so wie die andere Walserort im Eschetaal: Pumatt, Saley, Aager, Urnafaasch und Migiandone.

Im Iteliänische heisst Opsu Ausone.

Opsu isch hüt e Deil vo dr Gmeind Premia und es lyt hööch über em Deverotaal ufere Gländterrasse. Chly näbem Dörfli usse liggen es bar anderi Hüüsergruppe. Undedra isch s Dorf Goglio, wo zu dr Gmeind Baceno ghört. Obedra sind die stozige Bärgmatte bis zu dr Alp Nava ufe. Dr Bärg oben am Dorf heisst Pizzo Nava. Vom Dorf goot dr Opsubach zum Fluss Devero abe.

D Gländterrasse wo Opsu druff stoot, isch us Chalchschifer, dr Bärg wytr oben us Gneis.[1] Unden am Dorf het’s e Schteibruch, wo me drinn sälteni Mineraal gfunde het.[2][3]

Dur s Dorf goot e Wärkstrooss, wo die oberiteliänischi Elektrizitätsgselschaft "EDISON"im früene 20. Joorhundert bout het zum d Stumuur vom Aagersee z mache. Wäge dere Stroos isch Opsu hüt bi de Turischte bekant als gäbigen Usgangspunkt für Wanderige uf Aager und i d Bärge südlech vom Albrunpass.

Sid em 20. Joorhundert wohnt niemmer me ständig i däm abglägne Dorf Opsu. Die alte Hüüser wärde deils no fürs Lääbe im Summer uf dr Alp und süsch no als Feriewenige pruucht. Me weiss nid vil vo dr Gschicht vom chlyne Walserdorf.

D Chile vo Opsu het s Patrozinium vo dr heilige Elisabet.

Literatur[ändere | Quälltäxt bearbeite]

  • Paolo Crosa Lenz: I Walser del silenzio: Agaro – Salecchio – Ausone. Edizioni Grossi, Domodossola 2003.

Fuessnoote[ändere | Quälltäxt bearbeite]

  1. Carlo de Stefani: Il profilo geologico del Sempione. I. La Val Devero. In: Atti della Reale Accademia dei Lincei, anno CCCVII. 1910. Rom 1910, S. 118–125.
  2. Schteibruch vo Opsu
  3. Website vom Mineraliemuseum vom Eschetal z Premia