Audrey Syren
| Audrey Syren | |
|---|---|
| Porträt | |
| Geburtsdag | 4. Septamber 1983 |
| Geburtsort | Mìlhüüsa, Frànkrììch |
| Greßi | 1,78 m |
| Halle-Volleyball | |
| Position | Schtällera |
| Verain | |
| 1999–2002 2002–2005 2005–2006 2006–2009 |
ASPTT Mulhouse RC Villebon 91 Stade Français Saint-Raphaël VB |
| Nationalmannschaft | |
| A-Nàzionààlmànnschàft | |
| Erfolg | |
| 2002/03 – Frànzeescha Vìzamaischtera 2004/05 – Frànzeescha Vìzamaischtera | |
| Beachvolleyball | |
| Partneri | 2000–2002 – Andréa Luge 2009 – Andréa Luge |
| Erfolg | |
| 2000 – Frànzeescha Maischtera 2001 – Frànzeescha Vìzamaischtera | |
| Stand: 14. Àuigscht 2022 | |
| Dialäkt: Mìlhüüserdiitsch |
D’ Audrey Syren (* 4. Septamber 1983 z’ Mìlhüüsa, Owerelsàss) ìsch a ehamààliga frànzeescha Volleybàll- un Beachvolleybàllschpìelera. Ànna 2000 ìsch sa frànzeescha Beachvolleybàll-Maischtera worra. Ìm Hàlla-Volleybàll ìsch sa Mìtglìed vu dr frànzeescha Nàzionààlmànnschàft gsìì.
ìhra Kàrriar
[ändere | Quälltäxt bearbeite]Ìhra Profikàrriar hàt d’ Syren ànna 1999 biim owerelsassischa Verain ASPTT Mìlhüüsa-n-ààgfànga. Ìn dr äärschta Saison ìsch sa mìt dam Verain ùff Plàtz 5 vu dr frànzeescha Maischterschàft so wia-n-ùff Plàtz 2 vum Frànkrììch-Pokàl ànakumma. Ìm Joohr 2000/01 ìsch sa nochamol bis àm Plàtz 5 vu dr frànzeescha Maischterschàft glunga, wia àui bis àm Plàtz 5 vum öiropäischa CEV-Pokàl. Ànna 2001/02 ìsch sa ùff Plàtz 4 vu dr Nàzionààlmaischterschàft gsìì. Àb 2002 hàt d’ Syren fìr dr Verain RC Villebon 91 bii Pàriis gschpìelt. Ànna 2002/03 ìsch sa mìt dam Verain frànzeescha Vìzamaischtera gsìì un hàt dr CEV-Pokàl gwunna. Ìm Joohr drùff ìsch sa ùff Plàtz 2 vum Frànkrììch-Pokàl ànakumma. Ànna 2004/05 ìsch sa nochamol frànzeescha Vìzamaischtera gsìì un ìsch bis àm Plàtz 5 vum CEV-Pokàl glunga. Ìn dr Saison 2005/06 hàt sa biim Verain Stade Français Paris-Saint-Cloud gschpìelt. Därt ìsch sa numma-n-ùff Plàtz 10 vu dr Nàzionààlmaischterschàft ànakumma. Ìm Joohr drùff ìsch sa ìn dr süüdfrànzeescha Verain Saint-Raphaël gànga ge schpìela. Ìn dr Saison 2006/07 ìsch sa ùff Plàtz 13 vu dr Nàzionààlmaischterschàft gsìì, ùn ùff Plàtz 9 ànna 2008/09. Ànna 2009 ìsch sa àui ùff Plàtz 3 vum Frànkrììch-Pokàl ànakumma.
Züadam hàt d’ Syren mìndeschtens 23 Mol mìt dr frànzeescha A-Nàzionààlmànnschàft gschpìelt. Ànna 2005 hàt sa àn da öiropäischa Kwàlifikàzioonrunda fìr d’ Waltmaischterschàft vu 2006 mìtgmàcht.[1] Därt hàt s’ Frànkrììch ìn dr zwaita Runda-n-üüssgschaida.
Naawadràà hàt d’ Syren zamma mìt dr Elsassera-n-Andréa Luge àn mehrera Beachvolleybàll-Wattbewarwer mìtgmàcht. Ànna 2000 ìsch sa mìt ìhra frànzeescha Maischtera worra. Ìm naachschta Joohr ìsch sa mìt ìhra Vìzamaischtera gsìì un ìsch ùff Plàtz 17 bii dr Waltmaischterschàft z’ Klààgefurt ìm Eeschtriich ànakumma. Ànna 2003 ìsch s’ Duo ùff Plàtz 3 vu dr Nàzionààlmaischterschàft ànakumma, so wia-n-ùff Plàtz 7 ìm Joohr 2009.
Weblìnks
[ändere | Quälltäxt bearbeite]- d’ Audrey Syren biim Internàzionààla Volleybàllverbànd FIVB (anglisch)
- d’ Audrey Syren biim Öiropäischa Volleybàllverbànd CEV (anglisch)
- d’ Audrey Syren ìn dr Beach Volleyball Database (anglisch)
- d’ Audrey Syren bii Volleybox (hoochdiitsch)
Ainzelnoohwiisa
[ändere | Quälltäxt bearbeite]- ↑ Les 12 sélectionnées. Eurosport, 13. April 2005, abgruefen am 14. August 2022 (französisch).