Atomuur

Us der alemannische Wikipedia, der freie Dialäkt-Enzyklopedy
D Caesium-Atomuur „CS 4“ in dr Füsikalisch-Technische Bundesaastalt z Braunschweig isch 1992 in Bedriib gno worde. Sit 2005 isch si en Exponat im Braunschweigische Landesmuseum.

En Atomuur isch en Uur, wo dr Zittakt von ere us dr charakteristische Frekwänz vo Straaligsübergäng vo de Elektrone vo freie Atom abgläitet wird. D Zitaazäig von ere Referänzuur wird die ganz Zit mit em Taktgääber vergliche und aabasst. Atomuure sin zur Zit die genauste Uure und mä söit ene au primäri Uure[1].

Us de Mässwärt vo mee as 260 Atomuure an mee as 60 Instidut, wo uf dr ganze Wält verdäilt si, läit s Bureau International des Poids et Mesures (BIPM) z Bariis die Internazionali Atomzit (TAI)[2] as Referänzzit fest.

D Grundlaage für d Atomuur si vom amerikanische Füsiker Isidor Isaac Rabi an dr Columbia University entwigglet worde. Er het drfür 1944 dr Nobelbriis für Füsik überchoo.[3] En andere Nobelbriis im Zämmehang mit Atomuure isch 1989 an dr amerikanisch Füsiker Norman Ramsey gange für d Verbesserig vo dr Mässtechnik bi atomare Energii-Übergäng.

Litratuur[ändere | Quälltäxt bearbeite]

  • C. Audoin und J. Vanier: Atomic frequency standards and clocks. Journal of Physics E: Scientific Instruments, 1976.
  • Rexmond D. Cochrane: Measures for Progress: A History of the National Bureau of Standards. U.S. Department of Commerce, Washington D. C. 1966.

Weblingg[ändere | Quälltäxt bearbeite]

 Commons: Atomuhr – Sammlig vo Multimediadateie


Fuessnoote[ändere | Quälltäxt bearbeite]

  1. Die primären Atomuhren CS1, CS2 und CS3 der PTB. Arbeitsgruppe 4.41 der PTB. 2003. Archiviert vom Original am 6. Dezember 2010. Abgrüeft am 13. Dezember 2010.
  2. International Atomic Time (en) BIPM. Archiviert vom Original am 10. Januar 2011. Abgrüeft am 12. Dezember 2010.
  3. Fritz von Osterhausen: Callweys Uhrenlexikon. Callwey, München 1999, ISBN 978-3766713537. S. 24
Dä Artikel basiert uff ere fräie Übersetzig vum Artikel „Atomuhr“ vu de dütsche Wikipedia. E Liste vu de Autore un Versione isch do z finde.