Ano Englianos

Ano Englianos isch en Ort z Messenie, wo vom Archäolog Blegen e mykensiche Palast usgrabe woren isch. De Palast werd hüüffig - aber falsch - as "Nestorpalast" bizaichnet. De Ort vom Palast het i de mykenische Zitt Pulos ghaisse und isch s Zentrum vomene grössere Riich gsii, wo öppe de Umfang vom antike Messenie ghaa het.

Laag

De mykenischi Palast isch ufeme Gupf baut wore mitere wiite Uussicht. De Palast isch guet zee Kilometer vo de Bucht Navarino ewegg. Underhalb vom Hügel isch die mykenischi Understadt gsii.

Gschicht

De Hügel isch sittem spoote Früehelladikum bsidlet und isch denn im 16. Jh.v. Chr. bifestigt wore. Um 1400 v. Chr. sind d Muure abgrisse wore und de Hügel het mer planiert zomene Plateau vo rund 150 Are. Uf dem isch de älteri Palast baut wore (SH IIIA). Um 1300 v. Chr. isch de abebrennt und nebete Brandruine isch de jüngeri Palast uufbaut woore (SH IIIB). Churz noch 1200 v. Chr. isch de Palast gwaltsam zerstört wore. De Ort isch nochene verloo wore und nüme bsidlet woore.

s Riich, wo vom Palast uus kontrolliert woren isch