Anna Thommen
D Anna Thommen (* 1980 z Arlese) isch e Schwyzer Filmmacheri un Reschiseeri.[1]
Lääbe[ändere | Quälltäxt bearbeite]
Dr Anna Thommen het noch em Diplom 2002 bis 2004 as Primarlehreri gschafft. 2004/2005 het si dr Vorkurs an dr Schuel fir Gstaltig Basel bsuecht un 2007 e Praktikum bi dr Filmproduktionsfirma point de vue gnmacht. 2008 het si mit em Film Second me dr Bachelor «Video» an dr HSLU abgschlosse un 2013 mit em Dokumentarfilm Neuland dr Master in Filmreschy an dr ZHdK. Mit em Film Neuland het si ne verschideni Feschtivalbryys gwunne, u. a. 2013 s «Goldene Auge» vum Zurich Film Festival.[2] 2019 isch ire neie Film Volunteer in Zämenarbet mit em Lorenz Nufer uusechuu un u. a. dr Basler Film- un Mediekunschtpriis gwunne.[3]
D Film vu dr Anna Thommen porträtiere Mänsche un Situatione vum Lääbe, wu drotz ire indiwiduälle Gschichte, gsellschaftligi Phänomen bschrybe. Dr Film Second me (2008) referänziert uf di wirtuäll Wält „Second Life“ un porträtiert e User in sym Umfäld vor em Computer un sy Avatar online.[4] In Neuland (2013) isch d Filmmacheri mit Schueler*ne vun ere Integrationsklass un däne iri Lehrperson iber zwai Johr uf em Wäg ins Beruefsläbe gange.[5] Dr Film Volunteer (2019) fokussiert Lyt us dr Schwyz, wu iri Komfortzone verleen un si Flichtling am Mittelmeer engaschiere.[6]
Mit em Blan zum Kinodokumentarfilm Les Nouvelles Èves (Arbetstitel) isch si 2020 Bryysdregeri vum 10. CH-Dokfilmwettbewärb vum Migros-Kulturprozänt, wu in sällem Johr zum letschte Mol duregfiert woren isch.[7] Fr Les Nouvelles Èves het si in eme Kollektiv vu segs Reschiseerene gschafft.[8]
D Thommen het zwai Chinder un läbt mit ire Familie z Riehen.
Filmografy[ändere | Quälltäxt bearbeite]
- 2008: Second Me
- 2013: Neuland
- 2013: Ein Stück Wahnsinn
- 2019: Volunteer
- 2021: Les nouvelles Èves
Literatur[ändere | Quälltäxt bearbeite]
- Corina Lanfranchi: Subtiles Erzählen. In: Basler Stadtbuch 2014, S. 213–215.
Weblink[ändere | Quälltäxt bearbeite]
Fueßnote[ändere | Quälltäxt bearbeite]
- ↑ Biography - Anna Thommen. In: Swiss Films. Abgruefen am 31. Januar 2020.
- ↑ Goldenes Auge für Schweizer Film «Neuland». Tages-Anzeiger, 13. Oktober 2013, abgruefen am 31. Januar 2020.
- ↑ Film und Medienkunstpreis. Basel Kultur - Kulturprojekte, 2019, abgruefen am 31. Januar 2020.
- ↑ Swiss Films - Second me. Abgruefen am 31. Januar 2020.
- ↑ Neuland - Film. Abgruefen am 31. Januar 2020.
- ↑ Volunteer - Film. Abgruefen am 31. Januar 2020.
- ↑ Medienmitteilungen | 480’000 Franken für das Dokumentarfilmprojekt «Les Nouvelles Èves» | Migros-Kulturprozent. Abgruefen am 14. Februar 2021.
- ↑ «Les Nouvelles Eves» gewinnt den CH-Dokfilm-Wettbewerb – Wendy Pillonel. Abgruefen am 14. Februar 2021 (de-DE).
|
Dä Artikel basiert uff ere fräie Übersetzig vu dere Version vum Artikel „Anna_Thommen“ vu de dütsche Wikipedia. E Liste vu de Autore un Versione isch do z finde. |