Anna Luise Kiss

D Anna Luise Kiss (* 27. Novämber 1981 z Haidelberch) isch e dytschi Mediewisseschaftleri un Schauspiileri. Syt Oktober 2021 isch si Räkteri vu dr Hochschuel fir Schauspilchunscht Ernst Busch Berlin.

Lääbe

D Anna Luise Kiss isch d Dochter vu dr Schauspiileri un Autori Ulrike Bliefert un vum Schauspiiler László I. Kish. Näbe Dytsche schwätzt si au Schwyzerdytsch. Vor dr Kamera isch si scho ase Chind gstande, noch em Abitur het si Schauspiil-, Gsangs- un Klavierunterricht ghaa. Anne 1999 het d Margarethe von Trotta si as di jung Regine Weidling in dr Literaturverfilmig „Jahrestage“ bsetzt. E greßer Filmpublikum het si chänneglehrt dur iri Darstellig vu dr Novizi Barbara Silenius in dr ARD-Serie Um Himmels Willen., wu si in sibe Stapfle mitgwirkt ghaa het. Si het au in verschidene andere Serie mitgspiilt un in Churzfilm. Derzue het d Kiss bi Heerbuechprodukzione vu verschidene Autor*ne mitgmacht un het as Sinkronsprächeri un au as Moderatori gschafft.

Parallel zum Schauspiilberuef het d Kiss Kulturwisseschafte un Mediewisseschaft studiert un mit eme Bachelor un eme Master of Arts abgschlosse. Si het in dr Dramaturgy vu dr Staatsoper Unter den Linden hoschpitiert un as Assischtänti in dr ZDF-Redakzion Färnsehfilm I un au as freii Läkteri fir Filmferderaastalte un Produkzionsfirme gschafft. Derno het si as wisseschaftligi ;mitabratieri an dr Filmuniversitet Babelsberg Konrad Wolf gschafft, wu si 2018 mit ere Forschigsarbet iber d Konschtrukzion vu Laiedarsteller*ne promoviert woren isch. As Dozänti het si in dr Fächer Mediewisseschaft un Digitali Mediekultur glehrt un in Seminar unterrichtet, wu iber d Fächegränze chinschterisch gforscht woren isch. Anne 2016 isch d Kiss an dr Filmuniversitet in s Amt vu dr Vizepresidänti fir Forschig un Transfer gwehlt wore. Noch ere filmwisseschaftlige Gaschtprofässur het si d Laitig vum Beraich Forschig, Transfer un Grindig an dr Filmuniversitet ibernuu. Internazionali Lehr- un Forschigserfahrige het si as Visiting Scholar am USC Max Kade Institute for Austria-German-Swiss Studies (University of Southern California, Los Angeles, USA), an dr Aarhus University un as Gascht an dr Università Perugia gsammlet.

Vu 2019 bis 2021 het d Kiss s Forschigsprojäkt Das filmische Gesicht der Städte glaitet, wu vum Bundesminischterium fir Bildig un Forschig gferderet wore isch. Do het si 2020 d Open-Air-Inschtallazion Das filmische Gesicht der Stadt Potsdam realisiert un Podcast Film Studies bling-bling produziert.

As wisseschaftligi Fellow vum Kumpetänzzäntrum Kultur- un Kreativwirtschaft vum Bund forscht d Kiss unter anderem zum Abböu vu Klassismus un neie Forme vu dr Lehr un Forschig in Uusbildigsyyrichtige vu dr Kultur- un Kreativwirtschaft.

Zum 1. Oktober 2021 isch d Anna Luise Kiss as Räkteri vu dr Hochschuel fir Schauspiilchunscht Ernst Busch Berlin bstellt wore.

Uusgläseni Publikazione

• 2014: Jede Menge Perspektiven. Der Regisseur Herrmann Zschoche Sammelband (Hg.), Filmblatt-Schriften Reihe (Band 8), CineGraph, ISBN 978-3-936774-08-5.
• 2016: Pathenheimer: Filmfotografin - DEFA Movie Stills (Uusegee zäme mit em Dieter Chill), Ch. Links Verlag, ISBN 978-3-86153-928-5.
• 2019: Topografie des Laiendarsteller-Diskurses. Zur Konstruktion von Laiendarstellerinnen und Laiendarstellern im Kinospielfilm, Wiesbaden: Springer VS, ISBN 978-3-658-25756-9.
• 2019: Sonder_Forschungs_Zone der neuen Denk-Verschaltungen, in: Bundesministerium für Wirtschaft und Energie (BMWi) (Hrsg.): Willkommen in der Sonderforschungszone. 8 Visionen für eine bessere Lehre & Forschung in der Kultur- und Kreativwirtschaft. Berlin, S. 77–79.
• 2019: Eine Medienwissenschaftlerin und eine Schauspielerin unterhalten sich über Performanz in ihrem beruflichen Alltag – eine Text-Performance, in: Thomas Etzemüller (Hg.): Der Auftritt. Performanz in der Wissenschaft, Bielefeld: transcript Verlag, S. 361–370, ISBN 978-3-8376-4659-7.
• 2021: Film und (Stadt-)Raum. Eine Analyse von filmischen Bildern im städtischen Raum, in: (Hrsg.) Raphael Kogler & Jeanine Wintzer (Hrsg.): Raum und Bild – Strategien visueller raumbezogener Forschung, Wiesbaden: Springer VS, S. 227–240, ISBN 978-3-662-61965-0.
• 2021: Humorous Audio-Visual Lockdown Works. In: Galactica Media: Journal of Media Studies, Vol 3 No 3 (2021), S. 238–258.
• 2022: Die filmische Straßenlandschaft in Potsdam. Palimpsest – Kulturelle Arena – Performativer Raum. Mit Beiträgen von Johann Pibert. Hamburg: Avinus-Verlag, 288 S. (PDF), Open Access, ISBN 978-3-86938-170-1.

Uuszaichnige

• 2015: Lehrpryys vum Land Brandenburg in dr Kategory "Umgang mit unterschiedlichen berufs- und bildungsbiographischen Vorerfahrungen"
• 2016: Pryys fir chinschtlerischi Forschig vum Inschtitut fir chinschtlerischi Forschig vu dr Filmuniversitet zäme mit dr Susanne Foidl fir s Projäkt "Pathenheimer im Montagelabor"
• 2016: aini vu drei Pryysdreeger*ne vu dr IAMHIST-Challenge for early career researchers and professionals
• 2021: Sunderpryys Corona vum WISPoP – Potsdamer Pryys fir Wisseschaftskommunikazion

Weblink

• Internetpresänz uf dr Syte vu dr Hochschuel fir Schauspiilchunscht Ernst Busch Berlin

Fueßnote

Dä Artikel basiert uff ere fräie Übersetzig vu dere Version vum Artikel „Anna_Luise_Kiss“ vu de dütsche Wikipedia. E Liste vu de Autore un Versione isch do z finde.