Anitta (Herrscher)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Bronzedolch vom Anitta mitere Vergrösserig vo de Kailschrift, Museum för anatolischi Zivilisatione, Ankara

De Anitta isch e König vo Kaniš/Neša um 1730 v.Chr gsii (mittleri Chronologii). Er gelt as de ersti Grosskönig vo de Hethiter.

Öberlieferig[ändere | Quälltäxt bearbeite]

S wichtigste Zügnis isch de Anitta-Teggscht (CTH 1) wo im 16.Jh.v.Chr. uf althethitisch gschribe woren isch und as de ältisti hethitische Teggscht gelt. Dezue chunnt no e Dolch, wo im Palast vo de Oberstadt vo Kaniš gfunde woren isch. Er trait en akkadischi Inschrift: »Palast vom König Anitta« (É.GAL A-ni-ta ru-ba-im). Dodemti isch biwise, as de Anitta e historische König vo Kaniš gsii isch. Au Uurchunde vo de altassyrische Handelskolonie us Alişar Höyük nenet de Anitta und dem si rabi simmiltim Peruwa Kammaliya.

s Lebe[ändere | Quälltäxt bearbeite]

Zentralanatolie zu de Zitt vom Anitta

De Anitta isch de Soo vom König Pitḫana von Kuššara gsii. De het d Stadt Neša eroberet, wo dozmool di s handelszentrum vo Anatolie gsii isch. Wo de Anitta König woren isch, hett er Zalpa eroberet, e Stadt am Schwarze Meer. Drufabe hett de d Stadtt Ḫattuša bilageret und noch de erfolgriiche Iinaam d Stadt em Erdbobe gliichgmacht. ahand vo archäologische Fund cha die Zerstöörig is Joor 1728 v.Chr. datiert were.

Denoo het er Kaniš bifestigt und uusbaut und under anderem e Zoo und meriri Temple uufbaut. Denn het er de König vo Šalatiwara underworfe und de König vo Purušḫanda hett em drufabe e Szepter und Thron us Iise gschenkt. De Anitta hett sich ab denn "Grosskönig" gnennt.

Literatur[ändere | Quälltäxt bearbeite]

  • Trevor Bryce: The Kingdom of the Hittites. Oxford University Press 1998, S. 37–43. ISBN 0-19-924010-8.

Weblinks[ändere | Quälltäxt bearbeite]

Anitta-Text bei Titus, Universität Frankfurt