Alva (Band)

ALVA isch e Popduo vu Fryburg. Ire musikalische Stil stoht zwische Art Pop, Folktronica un modärnem Jazzpop.

Alva bstoht us dr Jannike-Linn Herr un em Jan Henrik Rau. Si hän si z Fryburg chänneglehrt, wu si baidi vu 2011 bis 2015 am International Music College (hite Macromedia Hochschuel) studiert hän. Derno hän si baidi vu 2015 bis 2018 z Dublin studiert, dr Rau het am Newpark Music Centre e Bachelor of Jazz Performance (Gitarre) bi Ronan Guilfoyle, Tommy Halferty un Chris Guilfoyle gmacht, d Herr an dr Dublin City University e Bachelor of Jazz Performance mit Schwärpunkt Gsang bi Phil Ware, Jenna Harris un Aleka Potinga.

Zwai Johr lang hän si uf dr spanische Insle Lanzarote in verschidene Hotel un uf Hochzyte musiziert, derno sin si wider retuur in d Region chuu. Si sin ghyrote un dien baidi z Basel Musik unterrichte, d Herr duet Klavier un Gsang unterrichte, dr Rau git Gitarreunterricht.

Z Lanzarote hän si d Idee zu ire erschte EP „Winter“ ghaa. Unter em nämlige Titel hän si im April 2022 ire erscht Album uusebrocht. Si hän alli Inschtrumänt sälber gspiilt un s Album derhaim ufgnuu.

Weblink

• Websyte vu Alva
• Enya Steinbrecher: Das Duo Alva möchte mit "Winter" aufregenden Zeiten entgegenwirken fudder.de, 22. April 2022
• d Jannike-Linn Herr uf instrumentor.ch
• dr Jan-Henrik Rau uf instrumentor.ch