Albert Fritz (Radsportler)

Albert Fritz

Personedate
Geburtsdatum	30. Merz 1947
Sterbedatum	1. Septämber 2019
Nation	Deutschland Dytschland
Disziplin	Bahn (Uusduur) / Stroß
Karriereänd	1985
Veräin / Ränngmäinschaft(e)
	Stuttgarter SC
Infobox zletzt aktualisiert: 7. Septämber 2019

Dr Albert Fritz (* 30. Merz 1947 z Jestette; † 1. Septämber 2019 z Züri) isch e dytsche Radrännfahrer gsii.

Sportligi Laufbahn

Anne 1968 isch dr Albert Fritz mit dr Mannschaft vum Stuttgarter SC dytsche Maischter vu dr Amateur in dr Mannschaftsverfolgig wore. Wun er nit fir di Olympische Spiil 1968 z Mexiko-Stadt nominiert woren isch, isch er Profi wore.

1969 isch dr Fritz z Münster sy eerscht Sechsdäägränne gfahre un isch zäme mit em Däne Freddy Eugen uf dr dritt Blatz chuu. Im nämlige Johr isch er Dytsche Maischter in dr Ainerverfolgig wore. Sy gringe Erfolg uf dr Stroß het en derzue brocht, si ganz uf dr Bahnradsport z konzentriere, wänn er au in dr Johr 1970 un 1971 di dr Tour de Suisse drei Etappesiig gwunne ghaa het.

Bis 1984 isch dr Albert Fritz bi 198 Sechsdäägränne aadrätte, wun er 34 dervu het chenne gwinne. Dodermit isch er ain vu dr erfolgrychschte Sechsdäägfahrer vu Dytschland wore, ellai z Köln isch er mit siibe Siig beschte Fahrer gsii. In dr „ebige Ranglischt“ lyt er uf Blatz siibe, dr ainzig Dytsch vor ihm isch dr Klaus Bugdahl uf Blatz sechs. Di maischte Start (78) un Siig (13) het er zäme mit em Wilfried Peffgen ghaa. Är isch aber au mit andere Fahrer gfahre, dodrunter dr Patrick Sercu un dr Dietrich Thurau.

Speter het dr Albert Fritz in dr Schwyz gläbt un bi dr Firma Bicycle Holidays gschafft, wu vum ehmolige Stoo-Waltmaischter Max Hürzeler grindet woren isch.

Är het mit syre Frau Marie Luise Fritz-Fleischmann e Suhn un e Dochter ghaa.

Erfolg

1968

• Dytsche Amateur-Maischter – Mannschaftsverfolgig (mit em Karl Link, em Herbert Honz un em Hans Lutz )

1969

• Dytsche Maischter – Verfolgig

1970

• ai Etappe Tour de Suisse
• Sechsdäägränne Dortmund (mit em Rudi Altig)

1971

• zwoo Etappe Tour de Suisse
• Bremer Sechsdäägränne (mit em Rudi Altig)
• Sechsdäägränne Köln (mit em Rudi Altig)
• Sechsdäägränne Brüssel (mit em Sigi Renz)

1972

• Sechsdäägränne Münster (mit em Wilfried Peffgen)
• Sechsdäägränne Münster (mit em Wilfried Peffgen)

1973

• Europamaischterschaft – Zwaier-Mannschaftsfahre (mit em Wilfried Peffgen)

1975

• Sechsdäägränne Köln (mit em Wilfried Peffgen)

1976

• Sechsdäägränne Herning (mit em Wilfried Peffgen)
• Sechsdäägränne München (mit em Wilfried Peffgen)
• Zürcher Sechsdäägränne (mit em Wilfried Peffgen)

1977

• Bremer Sechsdäägränne (mit em Wilfried Peffgen)
• Dytsche Maischter – Zwaier-Mannschaftsfahre (mit em Wilfried Peffgen)

1978

• Bremer Sechsdäägränne (mit em Wilfried Peffgen)
• Sechsdäägränne Köln (mit em Wilfried Peffgen)
• Sechsdäägränne Münster (mit em Wilfried Peffgen)

1979

• Sechsdäägränne Hannover (mit em Patrick Sercu)
• Sechsdäägränne London (mit em Patrick Sercu)
• Sechsdäägränne Münster (mit em Wilfried Peffgen)
• Sechsdäägränne Rotterdam (mit em Patrick Sercu)
• Zürcher Sechsdäägränne (mit em Patrick Sercu)
• Sechsdäägränne Antwerpen (mit em Michel Vaarten un em René Pijnen)

1980

• Bremer Sechsdäägränne (mit em Patrick Sercu)
• Sechsdäägränne von Gent (mit em Patrick Sercu)
• Sechsdäägränne Kopenhagen (mit em Patrick Sercu)

1981

• Sechsdäägränne Köln (mit em Patrick Sercu)
• Zürcher Sechsdäägränne (mit em Dietrich Thurau)
• Sechsdäägränne Kopenhagen (mit em Patrick Sercu)

1982

• Bremer Sechsdäägränne (mit em René Pijnen)
• Sechsdäägränne Köln (mit em Wilfried Peffgen)
• Dytsche Maischter – Zwaier-Mannschaftsfahre (mit em Dietrich Thurau)

1983

• Sechsdäägränne Frankfurt (mit em Dietrich Thurau)
• Sechsdäägränne Köln (mit em Dietrich Thurau)
• Sechsdäägränne Maastricht (mit em Dietrich Thurau)

1984

• Bremer Sechsdäägränne (mit em Dietrich Thurau)
• Sechsdäägränne Kopenhagen (mit em Dietrich Thurau)

Weblink un Quälle

• Albert Fritz (Radsportler) in der Datebank vo Radsportseiten.net
• Roger de Maertelaere: Mannen van de Nacht. Eeklo 2000, S. 263.
• Jacq van Reijendam: 6-daagsen statistiken 2009.