Airbus A380

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Airbus A380
E A380-800 in Airbus-Farbe
Typ: Vierstrahligs Grossruumflugzüüg
Entwurfsland: 0
Härsteller: Airbus
Erstflug: 27. April 2005
Indienststellig: 25. Oktober 2007
Produkzionsziit: Syt 2005 i der Serieprotuktion. Ds Produktionsändi isch für 2021 planet
Stuckzahl: 245

(Stand: Septämber 2018)

Dr Airbus A380 (Airbus-intärne Brojäktname Megaliner) isch e vierstrahlig Großruumfluugzyyg vum europäische Flugzyyghärsteller Airbus S. A. S. mit zwei durgängige Passagierdeck. Dr Diefdecker isch s grescht zivil Verchehrsfluugzyyg, wu bishär in Seriefertigung produziert woren isch. In dr Konzeptionsphase isch s Fluugzyyg Airbus A3XX gnännt wore. D Ändmontasch vum Fluugzyyg findet im franzesische Toulouse un d Kabinenuusrischtig im dytsche Hamburg-Finkenwerder statt. Dr Erschtflug vu däm Langstreckefluugzyyg isch am 27. April 2005 mit ere Maschine mit dr Wärchsserienummere MSN001 in dr Version A380-841 absolviert wore. Bishär sin 234 Fluugzyyg vu däm Typ bstellt wore.[1] Di erscht Maschine isch am 15. Oktober 2007 z Toulouse an d Fluuggsellschaft Singapore Airlines ibergee wore[2] un het am 25. Oktober 2007 ihre erschte Passaschierfluug ghaa.[3]

Bstellige und Usliferige[ändere | Quälltäxt bearbeite]

Luut Airbus sind 215 vo insgesamt 317 bstellte A380 usgliferet worde.[4]

Bstellige und Usliferige noch Johr (kumuliert)

Istellig vom Projekt[ändere | Quälltäxt bearbeite]

Der Airbus A380 isch du aber nid so guet verchouft worde wi erwartet. Underanderem isch das am Airbus A380-800 gläge. Bi däm het me nämlech d Dragflächine z gross konstrueier, damit me de der Airbus A380-900, wo wäsendlech länger wär gsi, z boue. Doch Airbus het die Variante vom A380 nie boue. So het sech der Airbus A380-800 nid ganz so efizänt la ysetze, wi sech das d Fluggsellschafte hei vorstellt gha. Nach däm d Fluggsellschaft Emirats ihri di bstellti Azahl a Flugzüüg redutziert het u Quantas im Undernäme mit teilt het, das si acht Airbus A380 nid wärde übernäh, het Aribus beschlosse der Bou vom A380 im Jahr 2021 yzstelle.[5]

Zwürschefäll[ändere | Quälltäxt bearbeite]

S hett au bereits en Schtörfall mit ere A 380 von der auschtralische Fluggsellschaft Quantas geh, wo viel diskutiert worde isch: Dur en Defekt sind im Flug Trümmerteil fascht uff en Flügeltank prallt. Zuedem het denn bi der Landig nur ein Triebwärch Gägeschub geh, was dezue gfüehrt het, dass d Maschine erscht 150 Meter vom Pischte-Ende zum Stillschtand choo isch.

Literatur[ändere | Quälltäxt bearbeite]

  • Andreas Spaeth: Airbus A 380. Der fliegende Gigant aus Europa. Heel, Königswinter 2005, ISBN 978-3-89880-410-3.
  • Achim Figgen, Karl Morgenstern, Dietmar Plath: A380. Geschichte, Technik und Erprobung des Mega-Airbus. GeraMond, München 2006, ISBN 3-7654-7030-9.
  • Peter-Michael Ziegler, Benjamin Benz: Fliegendes Rechnernetz. IT-Technik an Bord des Airbus A380. In: c’t. Jg. 2005, Nr. 17, ISSN 0724-8679, S. 84.

Weblink[ändere | Quälltäxt bearbeite]

 Commons: Airbus A380 – Sammlig vo Multimediadateie

Fueßnote[ändere | Quälltäxt bearbeite]

  1. Spiegel Online: „Rekordauftrag für A380-Bauer“, 8. Juni 2010
  2. Pressemeldung EADS. airbus.com. Archiviert vom Original am 15. Oktober 2007. Abgrüeft am 19. Juni 2010.
  3. Pressemeldung Singapor Airlines. Presseportal.ch. 17. August 2007. Archiviert vom Original am 27. Mai 2009. Abgrüeft am 19. Juni 2010.
  4. http://www.aircraft.airbus.com/market/orders-deliveries/ 31. August 2017. Abgrüeft am 14. September 2017
  5. A380-Programm wird 2021 beendet! Emirates kauf A350! Es Video vo AeroNewsGermeny vom 14. Februar 2019 (youtube.com)