ARPANET

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S ARPANET 1977

S ARPANET (Advanced Research Projects Agency Network) isch e dezentrals Netzwärk gsi, wo amerikanischi Uniwersidääte und Forschigsinstidut elektronisch mitenander verbunde het. Es isch ursprünglig im Ufdraag vo dr US-Luftwaffe vo 1962 aa von ere chliine Grubbe vo Forscher under dr Läitig vom Massachusetts Institute of Technology und vom amerikanische Verdäidigungsministerium entwigglet worde. Dr Paul Baran (RAND-Studie) und dr Donald Watts Davies (dezentrali Netzstruktur und Packeetvermiddlig) häi wichdigi Erkenntniss us em Beriich vo dr däilvermaschte Netztopologie und vo de pakeetvermiddlete Netz gliiferet, wo d Kommunikazionsgrundlaag für s ARPANET worde si.

D Witerentwigglig zum Internet[ändere | Quälltäxt bearbeite]

S Brotokoll TCP, s Transmission Control Protocol, isch in de 1970er Joor iigfüert worde, zum verschiidenartigi Netzwärk mitenander z verbinde. Das isch zum Brotokoll TCP/IP witerentwigglet worde, wo 1983 iigsetzt worde isch. S IP, s Internet Protocol, isch e verbindigsloses Protokoll, wo sich uf s TCP stützt zum d Kompiuter mitenander verbinde. Vo denn aa het sich mee und mee dr Naame Internet dduregsetzt. S ARPANET isch vo denn aa e Däilnetz vom Internet gsi, bis es offiziell am 28. Februar 1990 abgstellt worde isch.

Litratuur[ändere | Quälltäxt bearbeite]

  • J. Abbate: Inventing the Internet. MIT Press, Cambridge, Mass. 1999
  • Katie Hafner, Matthew Lyon: ARPA KADABRA oder Die Geschichte des Internet. dpunkt-Verlag, Heidelberg 2000, ISBN 3-932588-59-2
  • P. H. Salus: Casting the Net: From ARPANET to INTERNET and beyond... Addison-Wesley, Reading, Mass. 1995
  • Michael Hauben, Ronda Hauben: Netizens: On the History and Impact of Usenet and the Internet. Wiley-IEEE Computer Society Press, 1997, ISBN 0-8186-7706-6. Online-Version
  • J. Naughton: A Brief History of the Future: The Origins of the Internet. Phoenix, London 2000
  • M. Friedewald: Vom Experimentierfeld zum Massenmedium: Gestaltende Kräfte in der Entwicklung des Internet. In: Technikgeschichte 67, Nr. 4, S. 331-361, 2000

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Arpanet“ vu de dütsche Wikipedia.

E Liste vu de Autore un Versione isch do z finde.