D Kwantefäldtheorii

E aglüegti Version vo derre Site, wo am 26. Septämber 2019 freige worre isch, basiert uff derre Version.

D Kwantefäldtheorii (QFT) isch e Gebiet vo dr theoretische Füsik, wo Brinzip us de klassische Fäldtheorie (zum Bischbil dr klassische Elektrodünamik) und dr Kwantemechanik kombiniert, zum d Theorii z erwitere. Si goot über d Kwantemechanik use und beschribt Däili und Fälder äihäitlig. Drbii wärde nit nuume sogenannti Observable (also beobachtbari Gröössene wie Energii oder Impuls) kwantisiert, sondern au die wäggselwirkende (Däili-)Fälder sälber; Fälder und Observable wärde also analog behandlet. D Kwantisierig vo de Fälder bezäichnet mä au as Zwäiti Kwantisierig. Die berücksichtigt explizit dass Elementardäili entstöön und vernichdet wärde (Bäärlierzüügig, Annihilazioon).

D Methode vo dr Kwantefäldtheorii wärde vor allem in dr Elementardäilifüsik und in dr statistische Mechanik aagwändet. Mä underschäidet drbii zwüsche relatiwistische Kwantefäldtheorie, wo die spezielli Relatiwidäätstheorii berücksichtige und hüfig in dr Elementardäilifüsik aagwändet wärde, und nit-relatiwistische Kwantefäldtheorie, wo zum Bischbil für d Festkörperfüsik relewant si.

D Objekt und Methode vo dr QFT si füsikalisch motiwiert, au wenn vili Däilberiich äng mit dr Mathematik zämmehänge. Die axiomatischi Kwantefäldtheorii brobiert, d Grundlage und Konzept in ene mathematisch rigorose Raame zämmezfasse.

Litratuur

Dütsch:

Christoph Berger: Elementarteilchenphysik. 2. Uflaag, Springer, 2006
Walter Greiner u. a.: Theoretische Physik. Verlag Harri Deutsch, Bände Feldquantisierung 1993, Quantenelektrodynamik 1994, Eichtheorie der schwachen Wechselwirkung, 1994, Quantenchromodynamik

Änglisch:

James Bjorken, Sidney Drell: Relativistische Quantenfeldtheorie. BI-Wissenschaftsverlag, Mannheim, Zürich 1993, ISBN 3-411-00101-1 (englisch: Relativistic Quantum Fields. Übersetzt von J. Benecke, D. Maison, E. Riedel).
Claude Itzykson und Jean-Bernard Zuber: Quantum field theory. Dover 2006, ISBN 978-0-486-44568-7
Michio Kaku: Quantum field theory: a modern introduction. Oxford University Press, New York, Oxford 1993, ISBN 978-0-19-509158-8.
Michael Peskin und Daniel Schröder: Introduction to Quantum Field Theory. Westview Press, Boulder, Col. 2007, ISBN 978-0-201-50397-5.
Franz Mandl und Graham Shaw: Quantum field theory. Wiley 1993, ISBN 978-0-471-94186-6 (ins Deutsche übersetzt von Ralf Bönisch: Quantenfeldtheorie. Aula 1993, ISBN 978-3-89104-532-9)
Lewis Ryder: Quantum field theory. Cambridge 1996, ISBN 978-0-521-47814-4
Steven Weinberg: The Quantum Theory of Fields. 3 Bände, Cambridge University Press 1995, 2005 (Band 3 zu Supersymmetrie), Band 1 ISBN 978-0-521-67053-1, Band 2 ISBN 978-0-521-67054-8
Anthony Zee: Quantum field theory in a nutshell. Princeton University Press, Princeton 2003, ISBN 978-0-691-01019-9.

Weblingg

Yytrag in dr Stanford Encyclopedia of Philosophy (änglisch, mit Literaturaagabe)
Lingg zu Skript und Ufsetz, ängl. mit.edu
David Tong: Lectures on Quantum Field Theory cam.ac.uk
Lingg zu Skript uf Dütsch über d QFT Uni Aachen, abgrüeft am 14. Juli 2014

Dä Artikel basiert uff ere fräie Übersetzig vum Artikel „Quantenfeldtheorie“ vu de dütsche Wikipedia. E Liste vu de Autore un Versione isch do z finde.