Josephine Cochrane
D Josephine M. (Garis) Cochrane (* 8. Merz 1839 z Ashtabula County, Ohio;[1] † 3. Augschte 1913 z Cook County, Illinois)[2] vu Shelbyville (Illinois) giltet as Erfinderi vu dr erschte bruuchbare Gschirrwäschmaschiin. S erscht Batänt uf e sonig Grät het dr Joel Houghton scho anne 1850 iberchuu,[3] säll het aber chuum funktioniert un het si nit duregsetzt.
Ihre Vater John Garis isch Böuingenieur gsii, ihre Urgroßvater isch dr Erfinder John Fitch gsii. Am 13. Oktober 1858 het si dr Grichtsschryber un Bolitiker William A. Cochran (1831–1883) ghyrote. No dr Hochzyt het si ihre Nochname europäisiert, indäm si ne -e an en draaghänkt het.
Erfindig vu dr Gschirrwäschmaschiin
[ändere | Quälltäxt bearbeite]As rychi Frau het d Cochrane regelmäßig Party veraasstaltet, het si aber driber gärgeret, ass ihri Aagestellte bim Gschirr wäsche als wärtvoll Gschirr hii gmacht hän. S Gschirr sälber wäsche, het si bal läschtig gfunde un het aagfange ne Maschiin fir die Ufgab z entwickle. Noch em Dod vu ihrem Mann het si 1883 em Yysebahnmechaniker George Buttler dr Ufdrag gee, ihri Entwirf umzsetze.[4]
D Maschiin isch us eme wasserdichte Chupferchessel gsii, wu s Gschirr uf Drohtcherb dryygstelölt wore isch. Zerscht im Handbedrib, speter mit eme Metor, isch d Cherb uf eme Laufrad drillt wore go d Saipfelauge, wu iber e Diise yyglofen isch, glychmäßig verdaile.[5]
Am 28. Dezämber 1886 isch die Gschirrwäschmaschiin uf ihre Name batäntiert wore.[6] Uf dr Wältuusstellig z Chicago 1893 het d Josephine Cochrane dr Bryys fir „di bescht mechanisch Konschtruktion, Haltbarkait un Zwäckentsprächig“ kriegt.
Ihri erschte Maschiine sin bi me Ufdragsfertiger z Indiana böue wore, wu si si aber bal verstritte het. Si het d Firma Cochran’s Crescent Washing Machine Company grindet, wu speter in Hobart ufgange isch. Chunde sin aafangs Reschtaurant un Hotel gsii. Anne 1949 het Hobart e Modäll fir dr normal Huushalt yygfiert.[7]
Literatur
[ändere | Quälltäxt bearbeite]- Eckart Roloff: Mrs. Cochrane machte alles klar, Neues Deutschland vum 13. Oktober 2011
- Bydrag im WDR vum 28. Dezämber 2011
Fueßnote
[ändere | Quälltäxt bearbeite]- ↑ Charlotte Montague, Women of Invention: Life-Changing Ideas by Remarkable Women, New York 2018, S. 54
- ↑ Josephine M. Garis Cochran. Abgruefen am 7. November 2016.
- ↑ US-Patent No 7,365 (PDF; 127 kB)
- ↑ Josephine Cochrane. Abgruefen am 9. September 2018.
- ↑ Elke Schröder: Wer hat die Spülmaschine erfunden? (noz.de [abgerufen am 9. September 2018]).
- ↑ Dish-washing machine. 28. Dezember 1886 (google.com [abgerufen am 9. September 2018]).
- ↑ KitchenAid – For the way it’s made! - Cookfunky. Abgruefen am 9. September 2018 (änglisch).
|
Dä Artikel basiert uff ere fräie Übersetzig vu dere Version vum Artikel „Josephine_Cochrane“ vu de dütsche Wikipedia. E Liste vu de Autore un Versione isch do z finde. |