2010 – Das Jahr, in dem wir Kontakt aufnehmen

Filmdate
Dütsche Titel	2010 – Das Jahr, in dem wir Kontakt aufnehmen
Originaltitel	2010: The Year We Make Contact
Produktionsland	USA
Originalsprooch	englisch
Erschiinigsjoor	1984
Lengi	111 Minute
Altersfreigoob	FSK 12
Stab
Regie	Peter Hyams
Dräibuech	Arthur C. Clarke, Peter Hyams
Produktion	Peter Hyams
Muusig	David Shire, György Ligeti, Richard Strauss
Kamera	Peter Hyams
Schnitt	Mia Goldman, James Mitchell
Bsetzig
	Roy Scheider (Dr. Heywood Floyd); John Lithgow (Dr. Walter Curnow); Helen Mirren (Tanya Kirbuk); Bob Balaban (Dr. Chandra); Keir Dullea (David Bowman); Douglas Rain (HALs Stimme)

Dialäkt: Markgräflerisch (Ebringe)

2010 – Das Jahr, in dem wir Kontakt aufnehmen isch e Film vu anno 1984. Er isch d'Fortsetzig vum Film 2001: Odyssee im Weltraum.

Handlig

Anno 2010 wird e amerikanisch-russischi Mission zum Jupiter gschickt, um in Erfahrig z'bringe, was mit dr Mission anno 2001 passiert isch. Usserdem sott s'Ruumschiff Discovery borge werre, wo uf dr Mond Io abiz'keie droht. Au sott dr Monolith (dr schwarz Quader us 2001) in dr Jupiterumlaufbahn un die Galileische Mönd vum Jupiter erforscht werre. D'Mission stellt fest, dass es uf em Mond Europa im Ozean underem Iispanzer Läbe git. Au erschint au dr Astronaut David Bowman, wo sit dr Mission anno 2001 vermisst wird. Zum End vum Film bringe no Monolithe dr Jupiter zum Implodiere, wodurch er zue ere zweite Sunne im Sunnesystem wird. Dr offesichtlich Absicht fir sälli chünschtich Verwandlig vum Jupiter isch, dr Iispanzer uf Europa ufzdaue, demit sich s'Läbe dert witterwentwickle cha.

Hindergrund

Nooch em Erfolg vu 2001 sowohl as Buech wie au as Film het dr Arthur C. Clarke 1982 d'Fortsetzig 2010: Odyssey Two (deutsch Odyssee 2010: das Jahr, in dem wir Kontakt aufnehmen) gschriibe, wobi er d'Erchenntnisse vu dr Voyger-Missione igarbeitet het. Sälle Roman het dr Peter Hyams anno 1984 verfilmt, wobi er einigs ussignu un vereifacht het. In dr Vordergrund vum Film het er e moralischi Botschaft gruckt. Witteri Fortsetzige vu dr Odyssee-Reihe vum Clarke sin dr 1988 gschribe Roman 2061 - Odyssee III un vu 1997 schliesslig 3001 - Die letzte Odyssee, wo bisher nit verfilmt worre sin.

Kritike

Sämtlichi Kritike zuefolg reicht dr Film nit an si Vorgänger ani. Säll isch allerdings au nit ernschthaft z'erwarte gsi, giltet doch 2001 gmeihi as dr "perfekt Science-Fiction-Film". Im Gegesatz zum mystische 2001 giltet 2010 as e solide Science-Fiction-Film, wo eher zwischemenschlichi un politischi Konflikte betrachtet werre - so dr Gegesatz zwische dr USA un dr Sowjetunion, vu dere Furtexistenz dr Film noch usgange isch. In im Clarke sinere Buechvorlag fliegt degege e gmeinsami russisch-amerikanischi Mission e Wettrenne mit dr Chinese zum Jupitermond Europa. Interessant fier d'Zueschauer vum erschte Deil isch s'Wiidersähe mit em Charakter David Bowman un em Computer HAL. Wer meh wisse will, isch allerdings au uf d'Büecher vum Clarke agwiise. Globt werre die darstellerische Leischtige vum Roy Scheider un vu dr Helen Mirren.

Weblink

2010 in dr Internet Movie Database

Dä Artikel basiert uff ere fräie Übersetzig vum Artikel „2010_–_Das_Jahr,_in_dem_wir_Kontakt_aufnehmen“ vu de dütsche Wikipedia. E Liste vu de Autore un Versione isch do z finde.