Émile Storck

Us der alemannische Wikipedia, der freie Dialäkt-Enzyklopedy
Dialäkt: Mìlhüüserisch

Dr Émile Storck (* 22. Novamber 1899 z'Gawiller; † 9. Novamber 1973 z'Gawiller)[1] ìsch a elsassischer Dìchter un Schrìftsteller gsìì. Si Wark, sehr lyrisch, beschribt bsunderscht güet d Nàtür un d Làndschàft. Ar hàt aui Theàterstìckla gschrìewa, mìt'ma Wortschàtz wo zeigt àss ma uf Elsassisch wìrklig àlles kààt üsdrucka.

Kìndheit un Jugend[ändere | Quälltäxt bearbeite]

Dr Émile Storck ìsch ànna 1899 z'Gawiller uf d Walt kumma, ìn'ra Fàmìlia vu niin Kìnder.

Si Vàter, wo aui Émile Storck gheißa hàt, hàt ìn dr Grün-Fàwrìk z'Gawiller gschàft, àls Meischter. Ar hàt Elsassisch gredt. Sina Müeter, d Maria Millien, hàt Welsch gredt.[2]

Àls Kìnd ìsch dr Émile Storck ìn d ditscha Schüel z'Gawiller gànga. Dia Schüel gìtt's hìtt noch, unter'm Nàmma „École Émile Storck“.

Ànna 1917 hàt'r àn dr Erscht Waltkriag müeßa geh, àls ditscher Soldàt. Ar hàt àwer nìt wälla uf da frànzeescha Truppa schiaßa, un hat derfer vor em Militärgrìcht sotta kumma, wenn's nìt - zum Glìck - dr Wàffastìllstànd vu 1918 gaa hat.

Berüef àls Profasser[ändere | Quälltäxt bearbeite]

Dr Émile Storck ìsch Lehrer worra. Ar hàt dernoh a Agrégation ìn Hochditsch gmàcht.

Ànna 1934 ìsch'r vum Elsass furtgànga, fer àls Ditschlehrer ìn àndra Gegend vum Frànkrìch Unterrìcht z'gaa.

Zwìscha 1949 un 1965 ìsch'r z'Gawiller ìm Neuenburg-Gebäi Ditschlehrer gsìì, ìn dr „École normale de jeunes filles“.

Litteràrisch Wark[ändere | Quälltäxt bearbeite]

Wo-n-'r andlig wìder zruck ìm Elsàss gsìì ìsch, hàt'r fànga-n-à schriiwa, uf Elsassisch, obwohl àss sallamols Frànzeesch mehr Moda gsìì ìsch („il est chic de parler français“, hàt's gheißa). Sina Gedìchta han d Nàtür àls Hàuipthema ghàà; ar hàt sìch ìmmer um Làndschàft un Geographie ìntressiart. Ìm Gsàmta, zwìscha 1954 un 1967, hàt'r 200 Gedìchta gschrìewa, wo ìn zwei Biacher veräffentligt worra sìn:

  • Melodie uf de Panfleet
  • Lieder vu Sunne un Schatte

Ar hàt aui 5 Theàterstìckla gschrìewa, ìn'ra sehr scheena Sproch, a „universàla“ Sproch wo bewiist àss sa àlles, ohna Beschrankung, kààt sàga.

  • Der goldig Wage
  • Maidle wiss im Felsetal
  • E Summertrauim
  • Vergib uns unsri Schuld
  • Mathis Nithart

Leider sìn dia Theàterstìckla fàscht nìt gspìelt worra, wahrend'm Lawa vum Autor; as sìn Drama, wo schwar ufz'stella sìn, un wo sowìeso weniger Elfolg bikämma às luschtig Volkstheàter.


Ànna 1966 hàt'r dr „Oberrheinischer Kulturpreis“ bikumma, fer si gsàmta Wark.

Ànna 1967 hàt'r dr „Claus Rheinbolt“ Priis bikumma, fer sina Theàterstìckla.

Ànna 2000 ìsch dr Cercle Émile Storck grìnda worra, unter dr Leitung vum Richard Ledermann. D Mìtglìeder vu dam Cercle wann s Wark vum Émile Storck uf Frànzeesch ìwersetza un's wìder nèi loo veräffentliga; ìm März 2013 ìsch s Büech „In Gràwe un Hecke“, mìt sinera Ìwersetzung „Par les fossés et les haies“, üssakumma.[3]

Externa Links[ändere | Quälltäxt bearbeite]

Referanz[ändere | Quälltäxt bearbeite]

  1. Website „Ecole Emile Storck“ (fr)
  2. Noochrìchta ìm Àrtikel „Joseph Storck“, ìn dr frànzeescha Wikipedia
  3. Büech „In Gràwe un Hecke“, uf Frànzeesch „Par les fossés et les haies“ (Site cha nüme abgrüeft wärde; Suche im Webarchiv)[1] [2] Vorlage:Toter Link/www.arfuyen.fr