Adolf Vallaster

Dr Adolf Vallaster (* 25. Augschte 1940 z Mäder) isch e Mundartschriftsteller vom Vorarlbärg.

Dr Vallaster het dr Pruef vom Mechaniker gleert und denn uf dr Gmeindverwaltig vo Mäder gschaffet. Är isch bim Katolische Bildigswärk Vorarlbärg derby, und au bim Verein vo de Vorarlbärger Autoore, wo «Literatur Vorarlberg» heisst. Und är macht bim Internazionale Tieläktinschtitut mit. Als Leiter vo Mundartseminar isch är i dr Regioon guet bekannt.

Gschribe het dr Vallaster Gedicht und Gschichten i dr Mundart. Ane 2006 het dr Vorarlbärger Almanach es baar Wienechtstegscht von iim abtrukt: verdunkla, Da Öpfel, Da Heilig Oobad und s Krippele.

Sid ane 2006 isch är Eerebürger vo Mäder.

Wärch

• Mir und da Rhi. Gedichte in Vorarlberger Mundart. Wels 1974
• Ma künt o schtill si. Gedichte in Mäderer Mundart. Bregenz 1987, ISBN 3-900438-22-6.
• Biblisches - dütsch g’set. Gedanken zu Bibelstellen in Mäderer Mundart. Feldkirch 1993, ISBN 3-85176-012-3.
• als Ruusgäber mit em Walter Buder zäme: Alt.Jung.Sein. Texte in Vorarlberger Mundarten. Feldkirch 2001, ISBN 3-902221-00-3.
• mit ere Yfüerig vom Rainer Stöckli: Kopfnüss. Mundartgedichte. Hohenems 2004, ISBN 3-902249-62-5.

Weblink

• Zum Nachhören: Radio-Porträt über Adolf Vallaster, 1989, uf oesterreich-am-wort.at
• Adolf Vallaster uf literatur-vorarlberg.at