Dr Zwäit Punisch Chrieg

Us der alemannische Wikipedia, der freie Dialäkt-Enzyklopedy
Im Hannibal si Fäldzug gege d Römer

Im Zwäite Punische Chrieg häi sich vo 218 v. d. Z. bis 201 v. d. Z. d Römer und d Karthager (latiinPunier) bekämpft. Dr Chrieg het d Hegemoniistellig vo Rom im Middelmeerruum gfestigt.

Verlauf[ändere | Quälltäxt bearbeite]

Dr karthagisch Fäldheer Hannibal us em Gschlächt vo de Barkide isch in Italie iidrunge und het am Aafang Rom mit ere Räije vo taktisch gschickt gfüerte Schlachte an Rand von ere Niiderlaag brocht. D Römer si denn groosse Schlachte us em Wääg gange und häi wäärend Joore en Abnützigschrieg gfüert. Dr Hasdrubal, im Hannibal si Brueder, isch im Joor 207 v. d. Z. mit Ersatzdrubbe wie dr Hannibal über d Alpe choo, isch aber vom römische Konsul Claudius Nero in dr Schlacht am Metaurus gschlaage worde.

Underdesse het dr Scipio dem Älteren in Spanie Carthago Nova (Cartagena) (209 v. d. Z.) erooberet ghaa, het denn im Joor 206 dr Mago, dr jüngst Brueder vom Hannibal, gschlaage und im Joor druf häi d Karthager die Iberisch Halbinsle müesse ufgee.

Dr Köönig vo de Numidier, dr Massinissa, het ufghöört, d Karthager z understütze. Dr Scipio isch in Nordafrika iigfalle und het d Karthager in ere Fäldschlacht gschlaage. Die häi dr Hannibal us Italie zrugggrüeft, aber in dr Schlacht vo Zama het dr Scipio dr Hannibal besigt und Karthago het kapituliert. Eso isch d Vorherschaft im Middelmeerruum ändgültig an Rom gfalle.

Fümfezwanzig Joor spööter isch Karthago im Dritte Punische Chrieg undergange.

Litratuur[ändere | Quälltäxt bearbeite]

  • Sir Nigel Bagnall: Rom und Karthago – Der Kampf ums Mittelmeer. Siedler, Berlin 1995, ISBN 3-88680-489-5.
  • Ursula Händl-Sagawe: Der Beginn des 2. Punischen Krieges. Ein historisch-kritischer Kommentar zu Livius Buch 21. Ed. Maris, Münche 1995, ISBN 3-925801-15-4, (Münchener Arbeiten zur Alten Geschichte 9), (Au: Münche, Univ., Diss., 1992: Ein historisch-kritischer Kommentar zu Livius, Buch 21).
  • Herbert Heftner: Der Aufstieg Roms. Vom Pyrrhoskrieg bis zum Fall von Karthago (280–146 v. Chr.). 2. verbessereti Uflaag. Pustet, Räägensburg 2005, ISBN 3-7917-1563-1.
  • Alfred Klotz: Appians Darstellung des Zweiten Punischen Krieges. Schöningh, Paderborn 1936.
  • Karl-Heinz Schwarte: Der Ausbruch des Zweiten Punischen Krieges – Rechtsfrage und Überlieferung. Steiner, Wiesbaden 1983, ISBN 3-515-03655-5, (Historia Einzelschriften 43), (Zugleich: Bonn, Univ., Habil.-Schr., 1980/81).
  • Jakob Seibert: Hannibal. Wissenschaftliche Buchgesellschaft, Darmstadt 1993, ISBN 3-534-12029-9 .
  • Klaus Zimmermann: Karthago – Aufstieg und Fall einer Grossmacht. Theiss-Verlag, Stuttgart 2010, ISBN 978-3-8062-2281-4.
  • Klaus Zimmermann: Rom und Karthago. 2. Uflaag, Wissenschaftliche Buchgesellschaft, Darmstadt 2009, ISBN 978-3-534-23008-2.

Weblingg[ändere | Quälltäxt bearbeite]

 Commons: Zweiter Punischer Krieg – Sammlig vo Multimediadateie