Vampire Diaries

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Vampire Diaries esch en Serie öber es Meitli vo de Highschool us em fiktive Städtli „Mystic Falls“. Ihre Frönd Stefan und sii Brüeder Damon sind Vampir, was zu villne Komplikatione i dere verworrene Gschecht füehrt.

Vamp.png

Handlig[ändere | Quälltäxt bearbeite]

Staffel eis[ändere | Quälltäxt bearbeite]

Nach emne lange Summer chert die siebzehjährig Elena s erstemal sit em Tod vo ihrne Eltere id Schuel zrogg. Sie und ihre sechzehjährig Brüeder Jeremy lebet mit ihrere Tante Jenna im Huus vo ihrne Eltere. Da de Jeremy es Drogeproblem hed und d Jenna vollkomme überforderet esch, spillt d Elena allne vor, dass es ihre wörd guet goh, damit sii d Kontrolle öber d Situation bhalted. Einzit ihri besti Fründin Bonnie merkt, dass ned alles in Ordnig esch. Doch d Bonnie hed selber einigi Problem. Ihri Grossmuetter hed ihre verzellt, dass sie en Hex esch und nach und nach hed d Bonnie entdeckt, dass sii einigi seltsami Chreft besitzt.

Am erste Schueltag esch en neue Schüeler da, de mysteriösi und guetussehendi Stefan Salvator. Sofort sind alli Meitli siim Bann verfalle, au d Caroline en gueti Fründin vo de Elena, wo sofort versuecht alles öber ihn usezgfinde. Doch de Stefan hed nur Auge för eini, nämlech för die schöni elena, wo ihn ad Kathrine erinneret. D Kathrine en Frau, wo ihn und sin Brüeder Damon 1864 i Vampir verwandelt hed.

Anere Party chömed sich d Elena und de Stafan nöcher, doch d Elena bechund Problem mit ihrem betrunkene Brüeder Jeremy. Er esch hessig uf de Tyler Lockwood wo mit siner ehemalige Affäre Vicki Donovan zeme esch, weli d Schwöster vom Mad, em Exfründ vo de Elena esch. Wo de Tyler ohni Vicki us em Wald zrogchund, suecht de Jeremy sii und findet sii halbtod mit villne Bissverletzige im Wald. Es muess eine vo dene merkwürdige Tieragriff gsi si, wo i de letschte Ziit immer hüfiger vorcho sind. De Stefan hed aber erkennt, dass das keh normali Verletzige sind sondern vomne Agriff vomne Vampir stammed. Da er jedoch Tierbluet trinkt muess en andere Vampir i de Stadt si.

Zwüsche em Stefan und de Elena herrscht en unerklährlichi Ahziehig und es chond schliesslich zum Kuss. Deheime wartet en unagnehmi Überraschig uf de Stefan. Sin Brüeder Damon wartet dert uf ihn und lisst siini Tagebüecher.

Wo d Elena eines Tages bemerkt, dass de Stefan en liideschaftliche Footballspieler esch, überredet sii ihn is Footballteam vo de Schuel z goh. Doch wo sin Brüeder Damon de Couch Tanner töted, wörd am Stefan bewusst, dass er öbis gege ihn undernäh muess. Er schenkt de Elena en Halschetti mit Isechrut, dass er ihri Gedanke ned manipuliere chan, was en Fähigkeit vo de Vampir esch.

Aber d Elena findet use, dass de Stefan en Vampir esch und er weiht sii i sis Gheimnis i und beantwortet ihri Froge. D Elena verspricht zwar niemerem devo z verzelle, seid aber, dass si ufgrund vo dem Gheimnis nümm wiiter mit ihm chan zemesii.

D Stadt hed aber en Rat wo vo de Vampire Bscheid weiss und so versuechet d Muetter vo de Caroline Sheriff Forbes und de Bürgermeister Lockwood öbis degege z unterneh.

Us Langwiili verwandlet de Damon d Vicki i ne Vampir, doch dur ihre Drogeproblem esch sii nu vill afälliger uf ihri afänglich Bluetsucht. De Stefan versuecht ihre z helfe und sperrt sii i sim Zimmer i um Mystic Falls z schütze, doch es glingt ihre z entcho. Als Vampir verchleidet gohd si ad Halloweenparty a de Schuel und griift dört de Jeremy ah, mit dem sii en Beziehig ufbaut hed. Wo d Elena ihm chund go helfe werd sii fascht vo de Vicki töted. De Stefan griift i und d Vicki stirbt debii.

Uf de Wunsch vo de Elena lohd de Damon de Jeremy alles vergesse was passiert esch und lohd ihn lo glaube, dass d Vicki nur d Stadt verloh hed. D Elena und de Stefan chömed weder zeme und sii übernachtet bi ihm. I siim Zimmer gfindet sii aber es Bild vo de Kathrine, wo ihres absolute Ebebild esch und stellt de Stefan zur Red. Er verzellt ihre alles über d Kathrine, won er gliebt hed und wo ihn und de Damon verwandlet hed. D Kathrine aber esch 1864 mit de andere Vampire wo damals in Mystic Falls glebt hend inere Gruft im Wald unter de alte Chile iigsperrt worde. In ihrer Wuet fahrd d Elena mit em Auto devo und baut en Unfall. Doch die Person wo sii überfahre hed, richtet sich weder uf und chund uf sii zue, macht ihre aber nüüt, da de Damon rechtzitig uftaucht.

Zum Geburtstag vom Stefan chond sini eltischti Vampirfründin Lexi uf Bsuech und de Damon wittered siini Chance de Rat vo Mystic Falls vo ihm und sim Brüeder abzlenke. Er manipuliert s Gedächtnis vonere Zügin vomne Mord wo er begange esch, damit sii glaubt d Lexi hätt sii agriffe und das au de Sheriff Forbes verzellt. Mit de Hilf vom Damon wörd d Lexi pfählt.

Wo en neue Gschechtslehrer ah ihri Schuel cho esch hed er sech schnell mit em Jeremy agfründet und hilft ihm au weder uf die richtig Bahn zrog. Relativ schnell gfindet de Lehrer au gfalle a de Jenna. De Gschechtslehrer Alaric Saltzman weiss bscheid öber d Vampire und wött sii töte. Im Gspröch mit em Stefan erfahrd d Elena, dass sie adoptiert worde esch. Anderi Vampir sind id Stadt cho, d Anna wo sech mit em Jeremy afründet und echti Gfühl för ihn entwicklet und ihre Gfährd de Ben wo als Barkeeper im Grill schaffed, en beliebti Baar in Mystic Falls. Sii wönd d Tagebücher vom Jonathan Gilbert, am Vorfahr vom Jeremy, wo dinne stohd wie sii i d Gruft ine chömed wo d Vampire vo 1864 gfange sind und au de Anna ihri Muetter Pearl. Die beide empfüered d Elena und d Bonnie, damit Bonnie mit em Grimoire vo ihrere Vorfahrin Emily d Gruft öffnet. De Stefan befreit die beide, aber d Bonnie und ihre Grossmutter öffnet Gruft glich, will de Damon au will, dass d Gruft göffnet wird, da d Kathrine au dört inne esch. Dör s öffne vo de Gruft bruchd d Grossmutter vo de Bonnie so vill chräft dass sii stirbt und sech Gruft nömme schliessd nachdem d Vampire weder dusse sind, wo weder use dörfed. D Kathrine esch ned i dere Gruft inne gsi und de Damon realisiert, dass sii nur mit ihm gspillt hed. D Vampire i de Gruft schaffeds z flieh.

För d Elena hed d Jenna nach ihrer liibliche Muetter recherchiert und hed sii gfunde. Sie heisst Isobel Flemming und esch wahrschindlich am Alaric siini Frau, wo vom Damon ine Vampir verwandlet worde esch. Während d Caroline und de Ex-Fründ vo de Elena Matt sech nöcher chömed und schlussendlech au zeme chömed, wönd sech d Vampire wo i de Gruft iigsperrt gsi sind am Stefan und am Damon räche. Sii nemed de Stefan gfange und de Damon und d Elena wönd ihn befreie. Sii bruched för das de Alaric wo is huus inegohd und de Damon inebittet, da er en Vampir esch nd söschd ned is huus inechan. Am Alaric chan nüüt passiere, well er vo de Isobel en Ring gschenkd öbercho hed, wo ihn devor schütz dor öbernatürlichi Wese z tötet werde. Sii schaffeds ihn z befreie aber de Stefan muess vom Bluet vo de Elena trinke damit ers öberlebt, was en extrem unkontrollierbare Bluetdurst i ihm uslöst.

John Gilbert, de Onkel vo de Elena und vom Jeremy chund öberraschend nach Mystic Falls und eröffnet de Gründerrat, en Rat vo de Gründerfamilie vo de Stadt, wo die meiste öber d Vampire bescheid wössed. De John weiss alles öber de Damon und de Stefan und drom versuechd de Damon ihn z töte, was jedoch ned funktioniert, da de John de gliichi Ring hed wie de Alaric. Am Fest wo d Miss Mystic gwehlt werd und d Caroline gwönnt artet am Stefan sii Durst nach Bluet extrem us und d Elena und de Damon mönd ihn beteube und en Enziehig mit ihm mache. Zur gliiche ziit wörd d Liiche vo de Vicki durnes Unwetter frei gspüelt und de Jeremy recherchiert nach Vampire und lisst schliesslich de Elena ihres Tagebuech, wo alles öber de Tod vo de Vicki dinne stohd. Er esch unglaublich hessig uf d Elena wo ihn so lang agloge hed.

Ihre Onkel John tötet d Pearl und d Isobel taucht plötzlich uf. Sii wött es Treffe mit de Elena wo sii vo ihre verlangt, dass sii ihre d Erfindig vom Jonathan Gilbert beschafft, wo de d Pearl am Damon geh hed. Vo de Bonnie erfahrd d Elena, dass die Erfindig nur dor en Zauber vo de Emily wirksam esch und alli Vampire för es ziitli usser Gfächt setzt. D Bonnie dued so als wörd sii de Zauber vo de Erfindig neh und d Elena ged sii a de Isobel. Am Gründerfest setzt de John die Erfindig ih um alli Vampire z töte. De Stefan wörd vom Alaric und vo de Elena grettet und danke emne Zauber vo de Bonnie schaffeds d Elena und de Stefan de Damon usem brönnende Gebäude use z hole, wo de John azündet hed um d Vampire z töte. D Anna aber stirbt debii.

Deheime wartet de Damon uf d Elena und wött ihre danke, dass sii ihn grettet hed. Die beide küssed sech nd d Elena gohd ine, wo sie am John d Finger mitem Ring wo ihn beschützt abschniided und ihn versuechd z töte. Es wörd ihm sofort klar dass das d Kathrine esch.

Staffel zwei[ändere | Quälltäxt bearbeite]

D Kathrine esch weder doh und hed versuecht de John z töte wo vo de Elena grettet worde esch. Am Obig vom Gründerfest esch au de Tyler und sii Vater vo dem Grüsch wo eigendlech för d Vampire bestimmt gsi esch betroffe worde. Siin Vater esch debii missverständlech umbracht worde während de Tyler en Autounfall gha hed,wo d Caroline lebensgfährlech verletzt hed. Damit sii ned stirbt ged de Damon ihre siis Bluet wo ihri Verletzige heilt und er efahrt dass er Kathrine küsst hed und ned d Elena. D Caroline wörd vo de Kathrine töted aber stirbt ned, da sii immerno s Bluet vom Damon i ihrem Organismums hed. So wörd sii zum Vampir und gfindet schnell use, dass sii Mönsche chan beiflusse. Sii flöchted usem Chrankehus aber da sii ihre Drang nach Bluet no ned unter Kontrolle hed, töted sii en Mönsch. D Bonnie wo dur d Vampire ihri Grossmuetter verlore hed esch am Bode zerstört, dass ihri besti Kollegin en Vampir esch und droht sii z töte wenn sii no einisch öber umbringt. De Stefan und d Elena versueched de Caroline z helfe sech i ihres neue Lebe iizlebe.

Glichzitig dauchd de Mason, de Onkel vom Tyler uf, wo nach em Tod vo siim Brüeder uf sini Familie wött luege. Relativ schnell gmerked de Stefan und de Damon das er öbernatürlichi Chräft hed, aber keh Vampir chan si. So gfindets use, dass i de Familie Lockwood Werwolfgen vorhande sind. Es heisst es siig en Fluech wo usglöst werd, dorch das, dass de Betreffendi en Mönsch töted. De Mason weiss genau so bscheid öber de Damon und de Stefan und schaffts Sheriff Forbes devo z öberzüge, woruf hii sii denn versuecht die beide z töte. Caroline und d Elena schaffeds aber sii zrette und nehmed d Muetter vo de Caroline mit is huus vo de Salvators, um dört zwarte bis alles Iisechruut wo sii gno hed us ihrem Körper use esch und d Caroline sii chan beiflusse, dass sii alles vergisst.

Dur de Tyler gfindet de Jeremy use, dass de Mason uf de suechi nachem Mondstei gsi esch. Mit de Hilf vo de Bonnie nemed de Stefan und de Damon de Mason gfange und durch Folter und Gedankelese gfindet sii use, dass de Mason de Mondstei imene Brunne versteckt hed und dass er ihn för d Kathrine bsorgt hed. De Stefan rennt sofort los um de Stei go z hole und de Damon töted de Mason, well wenn ers ned wörd mache, wörd de Mason ihn töte sobald er weder bi Chräfte wär. I siim öbermuet, dass sii de Mondstei hend und de Mason us em weg gschafft esch lüüted de Damon mit em Handy vom Mason d Kathrine ah. Sii recht sech i dem sii de Elena alütet wo muess zue Luege wie sech d Jenna unter em Iifluss vo de Kathrine es Messer i Buch sticht. Jenna esch zwar knapp am Tod entrunne doch us Angst, dass no meh Mönsche verletzt werdet wo sii liebt, macht d Elena mit em Stefan schluss.

De Stefan, de Damon, d Bonnie, de Jeremy und de Alaric schmiedet en Plan, wie sii Kathrine töte chönd. Amne Maskeball bi de Lockwoods wörd sii ines Zimmer glockt, wo sii nömme use chan, da Bonnie en Zauber uf das Zimmer gleid hed. De Stefan und de Damon chömed ine und versueched sii z töte. Doch Kathrine hed mit de Hilf vonere andere Hex en Verbindig zwösche sech und de Elena hergstellt, so dass sii alles gspört was d Kathrine gspört. Wenn d Kathrine also töted wörd, stirbt d Elena. D Bonnie suecht die ander Hex und ged ihre de Mondstei wo sii a de Kathrine ged und dadurch ihri Schuld bi ihre begliche hed. Sii schwecht d Kathrine so starch, dass de Damon sii chan i de Gruft under de alte verbrönnte Chile vo 1864 iisperre.

Nach em Ball wörd d Elena vo de beide Vampire Rose und Trevor entfüert, wo sii wönd am Elijah uslifere, eine vo de ursprüngliche Vampir, vor dem sii scho sit Jahrhunderte uf de Flucht sind. Während de Damon und de Stefan sech uf de Weg mached sii zrette, erfahrd d Elena, dass sii de Doppelgänger esch und muess gopfered werde, um de Sunne und Mond Fluech z breche wo möched, dass d Vampire ned chönd i de Sunne umelaufe und dass d Werwölf sech nur bi Vollmond chönd verwandle. De Elijah begnadigt d Rose bringt de Trevor aber um. De Stefan und de Damon chömed um d Elena z rette und debii bringt de Damon de Elijah, um i dem er ihm en Pfahl durchs Herz rammt. Wo sii gange sind erwacht de Elijah weder zum Lebe, da mer en Ursprüngliche ned eifach dur ne Pfahl chan töde.

Während d Elena en Bsuech i de Gruft vo de Kathrine anstattet um meh öber sii und ihri Vergangeheit z Erfahre und d Kathrine ihre devo verzellt wie sii en Vampir worde esch und, dass de Klaus, eine vo de Ursprüngliche sii einisch hed wölle opfere und sii site dem vor ihm uf de Flucht esch, forsched de Damon und d Rose bi emne andre Vampirfründ vo de Rose über die Ursprüngliche nache. D Elena wörd au gern mit ihm rede, da sii vor hed sech am Elijah z stelle, will sii ned wött, dass er no meh Lüüt töted wo sii liebt. De Slater esch aber inzwösche scho vom Elijah töted worde und de Elijah lahd d Elena im Schutz vom Damon zrogg.

Zu ihrer eigene Sicherheit wörd sii im Huus iigsperrt wo aber de Elijah ine chan, da ihn d Jenna inebette hed. Mit de Elena schliesst er schliesslich en Packt, wo d Elena verspricht de Lockvogel för de Klaus z spile, wenn de Elijah devör ihri Fründe schützt. Er befreid de Stefan us de Gruft wo dörft feschtsitzt, well de Jeremy versuecht hed de Mondstei vo de Kathrine z hole und de Stefan ihn hed müesse rette. D Kathrine wörd vom Elijah durch Gedankemanipulation zwunge i de Gruft z bliibe. Er chan anderi Vampire beiiflusse, da er eine vo de Ursprüngliche esch.

Glichzitig stohd de Tyler vo siiner erste Verwandlig und esch voller Furcht. Dur en blöde Unfall wo vo de Kathrine verursacht worde esch, da sii en Werwolf bruchd um de Sunne und Mond Fluech z breche wo uf em Mondstei bunde esch, hed de Tyler böber töted. D Caroline hilft ihm för alli Vorbereitige und stohd ihm die ganzi ziit bii. Dor en verzwiiflete Aruef bim Mason deheime wörd siini Kolegin d Jules uf de Tyler ufmerksam und chond nach Mystic Falls. Dört gfindet de Damon und de Stefan schnell use, dass sii en Werwolf esch. Sii versuecht de Damon azgriffe, und biist d Rose. Dur ihre Biss wörd d Rose immer chränker und gohd immer nöcher uf de Tod zue. Um ihrem Liide es End z setze, töted sii de Damon und begrabt sii i siiner Truur.

Staffel drei[ändere | Quälltäxt bearbeite]

Nach de Jenna ihrem Tod, wird de Alaric als Uufsichtsperson für d Elena und de Jeremy iigsetzt. Während dem ziehnd de Stefan, wo d Gfühl usgschalte het, und de Klaus durch Nordamerika und hinterlöhnd überall Bluetbäder. De Klaus hets Ziel, e Hybridearmee z schaffe, was ihm ohni d Elena, weli er für tot haltet, jedoch nid möglich isch. De Stefan findet use, dass er in de 1920er e ängi Fründschaft zum Klaus, wo d Erinnerig dra us em Stefan sim Gedächtnis glöscht het, und dem sinere Schwöschter Rebekah unterhalte het, weli vom Klaus wieder zum Läbe erweckt wird um ihm Uskunft drüber z gäh, wieso d Verwandlig vo de Werwölf nid funktioniert. Die Froog cha nur vo ere Urhäx beantwortet wärde. Für das, wird jedoch d Chetti benötigt, wo de Stefan de Elena am Afang vo de Serie gschänkt het. D Bonnie und de Jeremy gfinde use, dass d Urvampir früener vomene Vampirjäger und Urvampir namens Mikael gflüchtet sind. Nachdem sie ihn imene Mausoleum gfinde, erwecke sie ihn wieder zum Läbe - nidahnend, dass dä sich nur vo Vampirbluet ernährt. De Klaus gfindet use, dass d Elena no läbt, und verwandlet mit Hilf vo ihrem Bluet de Tyler in e Hybrid. Nachdem de Klaus d Elena entführt het, um ihre Bluet abzzapfe, sie jedoch vom Damon grettet wird, bringt de Alaric ihre bii, wie sie sich vor Vampir schütze cha. D Bonnie gfindet unterdesse d Familiegschicht vo de Urvampir use. Beim Versuech, de Klaus z töte, chunnt de Mikael um und de Klaus wird vom Stefan grettet, wodruf dä ihn vo sim Bann befreit. D Bonnie gfindet use, dass ihri Muetter am Läe isch und suecht disi uf. Spöter cha de Elijah all sini Gschwüschterti vo ihrem todesähnliche Zuestand befreieund sie stelle sich gäge de Klaus, indem sie au sini Muetter Esther wieder zum Läbe erwecke. Au d Waffe, vo me en Urvampir ändgültig demit töte cha wird gfunde. Am Ändi vo dr Staffel wärde Mad und Elena in e tödliche Unfall verwicklet, wo nur de Matt grettet wärde cha. Doch au d Elena schloht ihri Auge wieder uf.

Hintergrund und Idee[ändere | Quälltäxt bearbeite]

„The Vampire Diaries“ esch im September 2009 s erschte mol im Fernseh cho und esch sofort en volle Erfolg gsi.
D Hintergrund Gschecht stammt vo de Buechserie mit em gliiche Name vo de amerikanische Schriftstellerin L. J. Smith. Mit hilf vom Drehbuechauotr Kevin Williamson wo scho för bakannti Filme wie „Scream“, „Ich weiss was du letzten Sommer getan hast“ und auf för d Fernsehserie „Dawson's Creek“ gschriibe hed esch die Serie mit emne Berüemte Hauptdarsteller em Ian Sommerhalder wo scho dur d Serei „LOST“ bekannt esch uf d Bei gstellt worde.

Produktion und Regie:[ändere | Quälltäxt bearbeite]

Die vo de Büecher Serie mit gliichem Name vo de amerikanische Schriftstellerin L. J. Smith beiflussti Serie „The Vampire Diaries“ wird vo de Leslie Morgenstein, wo au d Produzentin vo de bekannte Serie „Gossip Girl“ esch produziert. Mit Hilf vo verschidene Regisseure unter anderem em J. Miller Tobin und em bekannte Drehbuechautor Kevin Williamson esch d Serie s erschtmol im September 2009 im Fernseh cho und sofort zumne volle Erfolg worde.

Hauptrolle[ändere | Quälltäxt bearbeite]

Elena Gilbert/ Kathrine Pierce[ändere | Quälltäxt bearbeite]

Name : Nina Dobrev

Nina Dobrev

Geburtstag: 9. Januar 1989

Geburtsort: Sofia, Bulgarien

Usbildig: JB Tyrrell Sr. Public School und Wexford Collegiate Institute. Sie hed au Unterricht gno a de Dean Armstrong Schauspielschuel, wo sii schliesslich entdeckt worde esch.

Stefan Salvator[ändere | Quälltäxt bearbeite]

Name: Paul Wesley (Paul Thomas Wasilewski)

Geburtstag: 23. Juli 1982

Geburtsort: New Jersey, USA

Usbildig: Siis Deput hed de Paul mit 17 i de Seifeopere Springfield Story. Sit dem esch er immer weder i verschidene Filme Werbespots und Serie z gseh.

Damon Salvator[ändere | Quälltäxt bearbeite]

Name: Ian Somerhalder

Geburtstag: 8. Dezember 1978

Geburtsort: Louisiana, USA

Usbildig: De Ian hed als chind en Katholischi Schuel bsuechd. Nachdere hed er als Model för verschidnigi bekannti Marke wiezum biispil Gucci, Calvin Klein und anderi gmodlet. Mit 17esch er in New York ufne Schauspielschuel gange.

Bonnie Bennett[ändere | Quälltäxt bearbeite]

Name: Katerina Graham

Geburtstag: 5. September 1989

Geburtsort: Genf, Schweiz

Usbildig: Vor de Rolle i de Serie Vampire Diaries hed sii in verschidene Filme Neberollene gspillt und esch als Musikerin tätig gsi. Sii het veli verschednegi Songs för Nelly und Will.I.am gschriibe.

Caroline Forbes[ändere | Quälltäxt bearbeite]

Name: Candice Accola

Geburtstag: 13. Mai 1987

Geburtsort: Houston, Texas

Usbildig: Sii hed i villne Serie mitgspillt und esch 2008 als BackgroundSängerin mit de Miley Cyrus uf Tour gange.

Tyler Lochwood[ändere | Quälltäxt bearbeite]

Name: Michael Trevino

Geburtstag: 25. Januar 1985

Geburtsort: Valencia, Kalifornien

Usbildig: Er stammt vonere Mexikanische Muetter und emne Amerikanische Vater ab, wo de Sohn vo Mexikanische Immigrante esch. Er hed i vilne verschidene Serie en Gastrolle gspillt. Sii durchbruch hed er 2006 mit em Film „Partygirls auf Mission“ gha.

Episode[ändere | Quälltäxt bearbeite]

Staffel 1[ändere | Quälltäxt bearbeite]

Originaltitel Dütsche Titel Erstusstrahlig
Pilot Liebes Tagebuch 10.09.09
The Night of the Comet Die Nacht der Kometen 17.09.09
Friday Night Bites Monster 24.09.09
Family Ties Das Gründerfest 01.10.09
You're Undead to Me Im Kerker 08.10.09
The Lost Girls Verlorene Mädchen 15.10.09
Haunted Heimgesucht 29.10.09
162 Candles 162 Kerzen 05.11.09
History Repeating Geister 12.11.09
The Turning Point Wendepunkt 19.11.09
Bloodlines Lebenslinien 21.01.10
Unpleasantville Zu schön, um böse zu sein 28.01.10
Children of the Damned Kinder der Verdammnis 04.02.10
Fool Me Once Die Gruft 25.03.10
A Few Good Man Isobel 01.04.10
There Goes the Neighborhood Haus der Vampire 08.04.10
Let the Right One In Das Unwetter 15.04.10
Under Control Unter Kontrolle 22.04.10
Miss Mystic Falls Miss Mystic Falls 22.04.10
Blood Brothers Blutsbrüder 29.04.10
Isobel Die Waffe Die Waffe
Founder's Day Feuerwerk 13.05.10

Staffel zwei[ändere | Quälltäxt bearbeite]

Originaltitel Dütsche Titel Erstusstrahlig
The Return Die Rückkehr 09.09.10
Brave New World Schöne neue Welt 16.09.10
Bad Moon Rising Böser Mond 23.09.10
Memory Lane Reise in die Vergangenheit 30.09.10
Kill or Be Killed Der Fluch 07.10.10
Plan B Plan B 21.10.10
Masquerade Maskenball 28.10.10
Rose Rose 04.11.10
Katerina Katerina 11.11.10
The Sacrifice Das Opfer 02.12.10
By the Light of the Moon Die Verwandlung 09.12.10
The Decent 27.01.11
Daddy Issues 03.02.11
Crying Wolf 10.02.11
The Dinner Party 17.02.11
The House Guest 24.02.11
Know The Enemy 07.04.11
The Last Dance 14.04.11
Klaus 21.04.11
The Last Day 28.04.11
The Sun Also Rises 05.05.11
As I Lay Dying 12.05.11

Uuszeichnige und Nominierige[ändere | Quälltäxt bearbeite]

Uuszeichnige[ändere | Quälltäxt bearbeite]

People’s Choice Awards:

  • 2010: Favorite New TV Drama
  • 2012: Favorite TV Drama Actress (Nina Dobrev)

Teen Choice Awards:

  • 2010: Breakout Star Female (Nina Dobrev)
  • 2010: Breakout Star Male (Paul Wesley)
  • 2010: Breakout Show
  • 2010: Fantasy/Sci-Fi Show
  • 2010: Actor Fantasy/Sci-Fi (Paul Wesley)
  • 2010: Actress Fantasy/Sci-Fi (Nina Dobrev)
  • 2010: Villain (Ian Somerhalder)
  • 2011: Fantasy/Sci-Fi Show
  • 2011: Actor Fantasy/Sci-Fi (Ian Somerhalder)
  • 2011: Actress Fantasy/Sci-Fi (Nina Dobrev)
  • 2011: Scene Stealer Female (Katerina Graham)
  • 2011: Scene Stealer Male (Michael Trevino)
  • 2012: Fantasy/Sci-Fi Show
  • 2012: Actor Fantasy/Sci-Fi (Ian Somerhalder)
  • 2012: Actress Fantasy/Sci-Fi (Nina Dobrev)
  • 2012: Scene Stealer Female (Candice Accola)
  • 2012: Scene Stealer Male (Michael Trevino)

Nominierige[ändere | Quälltäxt bearbeite]

Saturn Awards:

  • 2009: Best Network Television Series

People’s Choice Awards:

  • 2010: Favorite Sci-Fi/Fantasy Show
  • 2011: Favorite TV Drama Actor (Ian Somerhalder)
  • 2012: Favorite Sci-Fi/Fantasy Show
  • 2012: Favorite Network TV Drama
  • 2012: Favorite TV Drama Actor (Ian Somerhalder)

Teen Choice Awards:

  • 2010: Scene Stealer Female (Katerina Graham)
  • 2011: Choice Vampire (Nina Dobrev)
  • 2011: Choice Vampire (Paul Wesley)
  • 2011: Choice Vampire (Ian Somerhalder)
  • 2012: Actress Fantasy/Sci-Fi (Katerina Graham)
  • 2012: Villain (Joseph Morgan)

Weblinks[ändere | Quälltäxt bearbeite]